Bugünkü qəzetlərin aparıcı mövzuları hakim YAP-ın V qurultayı və ölkənin etiraz elektoratını ətrafında biləşdirməyi hədəf seçən Milli Şuranın təsis konfransıdır. Mövqeyindən asılı olaraq qəzetlər bu olaylara təqdir və tənqidlə yanaşıblar.
Rəsmi və hökumətyönlü qəzetlər hazırkı dövlət başçısı İlham Əliyevin YAP-ın V qurultayında prezidentliyə namizədliyinin 3-cü dəfə irəli sürülməsini, qurultayda çıxışını ilk səhifələrə çıxarıblar.
Bu qəzetlər dövlət başçısının Demokratik İslahatlar Partiyasının sədri Asim Mollazadənin “Şörhət” ordenilə təltif olunması haqda sərəncamının mətnini dərc ediblər.
“Azadlıq” qəzeti ölkənin etiraz elektoratını öz ətrafında birləşdirməyi hədəf seçən Milli Şuranın təsis xəbərini ilk səhifəyə çıxarıb.
YAP-ın V qurultayında deputat Mehriban Əliyevanın YAP sədrinin müavini postuna təyinatı “YAP-ın Paşayevlərin nəzarətinə keçməsi” kimi şərh edilir.
Müxalif siyasətçilər İlham Əliyevin 3-cü dəfə prezidentliyə namizədliyinin irəli sürülməsinin “ölkə və dünyada etirazla qarşılanacağını” bildiriblər.
Lənkəran polisi AXCP Lənkəran rayon təşkilatının müşavirəsinin keçirilməsinə imkan verməyib.
“Şeron” qrupunun üzvləri keçmiş deputat Hüseyn Abdullayevin xalqa çağırış olan “Susma” mahnısını ifa etdiklərinə görə “bandotdel”ə aparılaraq döyülmələri haqda xəbərləri təkzib ediblər.
“Zerkalo” hakim Yeni Azərbaycan Partiyasının qurultayında İlham Əliyevin prezidentliyə namizədliyinin irəli sürülməsi, partiya rəhbərliyindəki dəyişikliklər haqda xəbərləri ön səhifəyə çıxarıb.
Ölkənin etiraz elektoratını öz ətrafında birləşdirməyi hədəf seçən Milli Şuranın təsis olunması “hakimiyyətin müxalifəti birləşdirməsi” kimi dəyərləndirilir.
“Ekspress” YAP-ın İlham Əliyevin 3-cü dəfə prezidentliyə namizədliyinin irəli sürülməsini önə çəkib.
Qarabağ münaqişəsinin tənzimlənməsi üzrə vasitəçilərin Azərbaycan və Ermənistan prezidentlərinin görüşünü razılaşdıra bilməməsi “Minsk Qupunun fiaskosu” adlandırılır.
“Exo” Azərbaycanın hər vətəndaşının orta hesabla banklara 1500 manat borcu olduğunu və vətəndaşların banklara yatırımlarından iki dəfə artıq borc götürmələrini nəzərə çatdırılır.
“Novoe Vremya” müxalif qüvvələrin əksəriyyətini birləşdirən Milli Şuranın yaradılmasına “müxalifət hərəkətə gəldi” mövqeyini bildirir.
“Bizim yol” qəzeti YAP-ın İlham Əliyevin namizədliyini 3-cü dəfə irəli sürməsini ilk səhifəyə çıxarıb, müxalif qüvvələrin birliyi olan Milli Şuranın təsis konfransı barədə isə “qalmaqal” olması haqda yazır.
Ölkədə tibbi sığorta ilə bağlı qanunun qəbul olunmasına, prezident sərəncamı verilməsinə, büdcədən vəsaitin ayrılmasına baxmayaraq nəticə olmamasına “düyünə düşən tibbi sığorta” şərhi verilir.
“Yeni Müsavat” Milli Şuranın təsis olunması və tanınmış ziyalı Rüstəm İbrahimbəyovun quruma sədr seçilməsi xəbərini manjetə çıxararaq bunu “demokratik qüvvələrin birlyinin rəsmiləşməsi” kimi dəyərləndirir.
Rəsmi Bakının İnterneti məhdudlaşdıran qanununa görə, Avropa İttifaqı iqtidara sərt etiraz bildirib.
16 saylı həbsxanada qiyam baş verib, xüsusi təyinatlılar yeridilib, iki məhkum özünü doğrayıb, bir neçəsi karserə salınıb.
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz