Azərbaycan XİN Monserrat Kabalyenin işğal olunmuş ərazilərə səfərinin dinc prosesə xidmət etmədiyini bildirir

İspaniyalı opera müğənnisi Monserrat Kabalyenin qanunsuz olaraq Azərbaycanın işğal edilmiş ərzilərinə getməsi ilə bağlı Azərbaycanın Madriddəki səfirliyi bu ölkə XİN-ə nota verib. Bu barədə Turan-a Azərbaycan XİN-in rəsmi nümayəndəsi Elman Abdullayev məlumat verib.

Kabalye iyunun 4-5-də Azərbaycanın işğal olunmuş ərazilərinə səfər edərək Qarabağ separatçılarının lideri Bako Saakanla görüşüb.

E.Abdullayevin sözlərinə görə, Azərbaycan səfirliyinin notasında Kabalyenin Azərbaycanın müvafiq orqanlarının icazəsi olmadan işğal edilmiş ərazilərə səfərinin qanunsuz olduğu bildirilir. 

“Onun qanunsuz səfəri həm də Azərbaycanın ərazi bütövlüyünə və suverenliyinə hörmətsizlikdir, beynəlxalq hüquq normalarının pozulmasdır. Belə səfərlər yalnız dinc prosesə zərər vurur”, - E.Avdullayev bildirib.

Qeyd edək ki, bir sıra xarici KİV Azərbaycan səfirliyinin İspaniya XİN-ə notasını düzgün olmayaraq Kabalyenin persona non-qrata  elan olunması kimi şərh edib.—06D--