Mətbuat-Monitorinq 09.03.15

Rəsmi qəzetlər 8 mart - Qadınlar Günü ilə bağlı bu mövzuya dair yazılara geniş yer veriblər.

“Azadlıq” qəzeti  Sabirabadda yaşayan Qarabağ müharibəsi qazisi Cəbrayıl Həsənovun intiharını manjetə çıxararaq üzərində tapılan məktubda intihara səbəb kimi maddi imkansızlığını göstərdyi bildirilir.

REAL Hərəkatının bəyanat yayaraq “İsmayıllı hadisələri” üzrə Hərəkatın sədri İlqar Məmmədov və Müsavat Partiyası başqanının müavini  Tofiq Yaqublunun həbsini siyasi sifariş sayaraq azadlığa buraxılmalarını tələb edib.

Hüquq müdafiəçisi Elçin Behbudov 1 saylı həbsxanada məhkum Elşən Paşayevin təzyiqlərə etiraz olaraq ağzını tikdiyini, həbsxanalara monitorinq üzrə İctimai Komitənin bu məsələ ilə maraqlanmadığını nəzərə çatdırır.

Ölkədəki ağır sosial durumla bağlı Milli Şuranın martın 15-nə təyin etdiyi mitinq əleyhinə olanları qəzet “xalqa ölüm arzu edənlər” kimi dəyərləndirir.

Mərkəzi Bankın martın 5-də banklara göndərdiyi bankların risklərini tənzimləməyəcəyi və onlara nəzarət etməyəcəyi  barədə məktubu ekspertlər qiymət sabitliyini təmin edə bilməyən Mərkəzi Bankın manat və bank sisteminin gələcək fəaliyyətinə görə məsuliyyəti öz üzərindən atması, bankların öz problemlərini özləri həll etməsi kimi qiymətləndiriblər.

Fermerlərin əlavə vergi ödənişinə cəlb olunmalarını qəzetə şərh verən ekspetlər  onların istehsalı dayandıra bilmələri kimi nəticəyə gətirəcəyi barədə xəbərdarlıq edirlər.

Qəzet ölkəyə daxil olan kartofun 1 kq.-nın 6 sentə sənədləşdirildiyini, amma 1 dollardan baha satıldığını yazır.  

Manatın ucuzlaşması ilə ARDNŞ-də kütləvi ixtisarların başladığını yazn qəzet bunu həm də qurumun iri layihələrinin icrasının təhlükə altına düşməsi adlandırır.

“Yeni Müsavat”  Azərbaycan və Gürcüstanın Rusiya hərbi qüvvələri tərəfindən mühasirəyə alınması, Avrasiya layihələrini zorla  reallaşdırmaq iddiasını

Ilk səhifəyə çıxararaq bunu Putinin bölgədə “ikinci Ermənistan” yaratmaq planı kimi təqdim edir.

Qəzet Mərkəzi Bankın banklara öz problemlərini özlərinin həll etməli olduqları haqda məktubunu “banklara qara kağız” adlandırır.

Hüquq müdafiəçiləri və bəzi deputatlar son vaxtlar ölkəyə artan beynəlxalq təzyiqləri aradan qaldırmaq üçün siyasi məhbusların azad olunmalarını təklif edirlər.

Qəzet bir il öncə söküntüsü başlayan Bakının “sovetski” məhəlləsində manatın ucuzlaşması ilə bağlı söküntünün dayandığını, evləri sökülənlər üçün nəzərdə tutulan 180 milyon manatın hara xərclənməsinin məlum olmamasına toxunur.