Mətbuat-Monitorinq 09.07.13

Rəsmi və iqtdaryönlü qəzetlər dövlət başçısı İlham Əliyevin rəsmi qəbulları haqda yazıları ilk səhifəyə çıxarıblar. 

Dövlət başçısının Qazax rayonunun sosial inkişafı ilə bağlı 2 milyon manat vəsait ayırması, bəzi şəxslərə birinci dərəcəli fövqəladə və səlahiyyətli elçi rütbəsi verilməsi haqda sərəncamların mətnləri dərc edilib. 

Bundan əlavə, bu qəzetlərdə ölkənin etirazçı elektoratını ətrafında birləşdirən Milli Şura haqqında böhtan, iftira olan 10-a qədər məqalə dərc edilib.  

“Azadlıq” qəzeti iqtidarın rəqiblərinə qarşı təzyiqlərini önə çəkib. Keçmiş deputat Hüseyn Abdullayevə dövlət rəhbərliyi əleyhinə verdiyi bəyanatı geri götürməsi üçün təzyiqlər edilir, vəkil Kamandar Nəsibov bəyanatın eks-deputata aid olmadığını deyir, H.Abdullayev isə verdiyi bəyanatın arxasında durduğunu deyərək, K.Nəsibovi vəkili olmaqdan kənarlaşdırıb. 

Rəsmi Bakını tənqidə görə təzyiqlərə məruz qalan eks-deputat Gültəkin Hacıbəyliyə dəstək məqsədilə AXCP, Müsavat, AMİP və “EL” Hərəkatının Goranboy təşkilatları etiraz bəyanatı yayıb, bir qrup seçici isə imzatoplama kampaniyasına başlayıb. AXCP Gəncə şöbəsinin məclis sədri İlqar Vətənoğlu Gəncədə partiya müşavirəsi keçirilməsinə çalışdığı üşün polisə çağırılıb. 

Milli Şuranın prezidentliyə vahid namizədi Rüstəm İbrahimbəyov qurum üzvlərinə “demokratik düşərgədən ikinci namizəd olmamalıdır” müraciəti səsləndirib. Bir sıra ekspertlər isə bu düşərgədən başqa namizədin olmasını “çaşqınlıq yaratması” kimi şərh ediblər.

“Zerkalo” qəzeti Moldova ombudsmanı Aureliya Qriqoriunin Ermənistan parlamentində verdiyi “ermənilərin Xocalıda soyqırım törətmələri” bəyanatı üzərinə “buna görə heç kimdən üzr istəməyəciyi” bəyanatı səsləndirdiyini yazır. 

“Ekspress” qəzeti Moskvada bazarların bağlanması ilə azərbaycanlıların qazanc yerlərini itirəcəkləri mövzusunu önəmli sayaraq önə çıxarıb.

“Exo” qəzeti Türkmənistan tərəfin Xəzərin indiki kimi bölünməsilə razı olmadığı üçün Azərbaycanı beyənlxalq məhkəməyə verməyə hazırlaşdığını bildirir. 

“Novoe Vremya” qəzeti rəsmi Bakının ATƏT müşahidəçilərini seçkiyə dəvət edəcəyi bəyanatına “bir daha müşahidəçilər haqqında və ya iqtdiarın saxtalaşdırma sindromu” şərhi verir. 

“Bizim yol” qəzeti Milli Şuranın prezidentliyə vahid namizədi Rüstəm İbrahimbəyovun “bu düşərgədən ikinci namizəd olmamalıdır” müraciətini İsa Qəmbərə namizədliyini geri götürməsi çağırışı sayaraq, qurumun bugünki iclasında qarşıdurma olacağını iddia edir. 

“Yeni Müsavat” qəzeti “Naxçıvan klan”ının sıxışdırıldığına görə Milli Şuraya dəstək verməsini ilk səhifəyə çıxarıb.

Rəsmi Bakı əleyhinə bəyanatlarına görə H.Abdullayevin ailəsinə təzyiqlər artıb, anasının səhhəti pisləşib. 

Milli Şuranın prezidentliyə vahid namizədi Rüstəm İbrahimbəyovun “demokratik düşərgədən ikinci namizəd olmamalıdır” müraciətinə “partiya olaraq aqrtıq seçkidə iştirakla bağlı qərar qəbul etmişik” cavabı verilib.

2013-cü il prezident seçkilərilə bağlı iqtidarın “məxfi planı” olması haqda xəbərləri rəsmi Bakı təmsilçiləri təkzib edib. 

“Bakı Xəbər” qəzetinə açıqlamasında “Təmiz Dünya” ictimai birliyinin rəhbəri Mehriban Zeynalova azərbaycanlı ailələrdə uşaq sayının 4-dən 2-yə enməsini demoqrafik baxımdan “çox təhlükəli nöqtə” adlandırıb.