Mətbuat-Monitorinq 10.03.15

9 mart qeyri-iş günü olduğu üçün bu gün rəsmi qəzetlər dərc edilməyiblər.

“Azadlıq” qəzeti Avropa Oyunları ilə bağlı tikilmiş Bakı Olimpiya stadionunda cəmi 80 dəqiqəlik açılış və bağlanış mərasimi olacağını ilk səhifəyə çıxararaq buna  “80 dəqiqə üçün 640 milyon dollar” yanaşması ifadə edir.

Qəzet ictimai fəallara isnadən ölkədəki siyasi məhbusların Avropa Oyunları öncəsi aclıq aksiyası keçirəcəklərini və problem barədə Bakıya gələn media mənsublarına məlumat veriləcəyini nəzərə çatdırır.

Qəzet yazır ki, “London Platformu” qurumu Böyük Britaniya parlamentinə siyasi repressiyalara yol açdığna, beynəlxalq ictimiayyəti saymadığına görə rəsmi Bakı ilə əlaqələri kəsmək çağırışı edib.

Rəsmi Bakının bu ili “kənd təsərrüfatı” elan etməsinə cavab olaraq qəzetə şərh verən ekspertlər aqrar sahənin inkişafı üçün öncə oliqarxların bu sahədəki inhisarını ləğv etməyi irəli sürüblər.

“Bizim yol”  deputatların hökumətə sahibkarlara təzyiqləri dayandırmaq çağırış etməsini və tədbirlər görülmədiyi halda ölkəni aşkar təhlükə gözləməsi bəyanatlarını diqqət mərkəzinə çəkib.

Qəzet metro keçidlərində kitab satışının qismən bərpa olunduğunu, amma qəzet satışı olmamasına “kitab satmaq olar, qəzet yox” mövqeyini bildirir.

“Yeni Müsavat” seçicilərin narazllıq etdikləri YAP-çı deputatların seçki dairələrində araşdırmalar aparılmasını, YAP namizədlərinin siyahısının bu aradırma nəticəsində müəyyən olunacağını önə çəkib.

Avtovağzal ətrafında vaxtilə tikilmiş fərdi yaşayış evlərinin kompensasiya ödənmədən yerlə yeksan olunduğunu yazan qəzet bu sahələri vətəndaşlara general Əli Nağıyevin yaxınlarının satdığını bildirir.

Qəzet siyasi məhbus məsələsi üzrə Birgə İşçi Qrupun Novruz bayramı ərəfəsində böyük əfv gözlənilməsi, hətta barəsində məhkəmə qərarı olmayan şəxslərin də azad olunmasına çalışdıqları haqda açıqlamasını nəzərə çatdırır.

Ekspertlər hökumətin qiymət artımının qarşısını inzibati yolla önləmək istəməsinə “bu yolla uzun müddət qiymət artımının qarşısını almağın mümkünsüz olması” şərhini veriblər.     

Mərkəzi Bankın martın 5-də banklara göndərdiyi məktubda bankların valyuta risklərini tənzimləməyəcəyi, nəzarət etməyəcəyi haqda məktubuna qəzet “manatın yeni enişi gözlənilir?” reaksiyası verir.

Qəzet bu il Azərbaycanı “Eurovision” musiqi yarışmasında “O səs Türkiyə” müsabiqəsinin qlibi Elnur Hüseynovun təmsil edəcəyini nəzərə çatdırır.