![Mətbuat-Monitorinq 11.03.15](https://turan.az/resized/750/500/resize/media/2015/main/031100109385.jpg)
Mətbuat-Monitorinq 11.03.15
Rəsmi qəzetlər dövlət başçısı İlham Əliyevin RF prezidentinin köməkçisi İqor Levitini qəbul etməsi, Bakı Atıcılıq Mərkəzinin açılışında iştirak etməsi haqda xəbərləri ilk səhifələrdə yerləşdiriblər.
“Azadlıq” qəzeti banka borcu olan məcburi köşkünün özünü asmasını ilk səhifəyə çıxarıb.
Qəzet Fransanın “Le Parisen” qəzetindəki Azərbaycanla bağlı məqaləni öz səhifələrində dərc edərkən rəsmi Bakıya yaxın medianın iqtidarı tənqid edən hissələri “ixtisar”a saldığını qeyd edir.
Qəzet hökuməti mənası xərclərdə ittiham edərək şəhid ailələrinə cəmi 148 milyon manat sığorta pulunu ödəmək istəməməkdə ittiham edir. Ekspertlər Novruz bayramından sonra ölkədə qiymətlərin daha da artacağı barədə xəbərdarlıq edirlər.
Qəzet maşın hissələri sektorunda qiymətlərin yüksələn xətlə “inkişaf” etdiyini bildirir.
Qəzet Səbayel rayon 8 saylı polis bölməsində saxlanılan Azər Qəmbərin martın 8-də intihar etməsini qeyd edir.
2 saylı təcridxanada saxlanılan hüquq müdafiəçisi Taleh Xasməmmədovun anası müraciət yayaraq oğlunun həyatının təhlükədə olduğunu nəzərə çatdırır.
Milli Məclisin sədri Oqtay Əsədov və dövlət başçısının köməkçisi Əli Həsənovun RF-nin “Dostluq” ordeni ilə təltif olunmasını qəzet ölkədə “5-ci kolonun hakimiyyətin özünün olması” kimi dəyərləndirir.
Qəzet qeyri-rusların Rusiyadan kütləvi şəkildə deportasiya olunduqlarını, bu sırada azərbaycanlıların da çoxluq təşkil etdiyini vurğulayır.
“Ekspress” folklorşünasların Novruzda qapılara papaq atmağı “qeyrətsizlik” sayaraq “papaq yox, torba atın” kimi “qiymətli” tövsiyəsini ilk səhifəyə çıxarıb.
Ekspertlərə isnadən neftin daha da ucuzlaşacağını yazan qəzet “qara qızıl”ın bahalaşması üçün ciddi əsasların olmadığını bildirirlər.
“Exo” uşaqlara aliment verməkdən yayınan 5 min nfərə azərbaycanlının xaricə çıxmalarına yasaq qoyulmasını diqqət mərkəzinə çəkib.
“Novoe Vremya” ölkə iqtisadiyyatının əsas gəlir mənbəyi olan neftin qiymətlərinin enməkdə davam etməsini ön plana çıxarıb.
“Bizim yol” manatın ucuzlaşmasının Bakıda qızılın qramının 60 manata yüksəlməsinə səbəb olmasını önə çəkib.
Türkiyədə yüksək təmirli evlərin qiymətinin Bakıdakı təmirsiz evlərdən 5-10% ucuz olduğunu yazan qəzet ev almaq istəyənlərin qardaş ölkəyə üz tutduqlarını qeyd edir.
“Yeni Müsavat” Azərbaycanın Rusiya ilə ABŞ arasında “rəqabət obyekti” olmasını, bu rəqabətdə iqtidarın Moskvanın xeyrinə qeyd-şərtsiz seçiminin Qarabağ məsələsində heç bir divident vəd etməməsini önə çəkib.
Manatın devalvasiyasına baxmayaraq, Mərkəzi Bankın fevral ayında 1, 7 milyard dollar itirdiyini yazan qəzet faktı “manatın yenidən ucuzlaşacağı” kimi dəyərləndirir.
-
- İqtisadiyyat
- 11 Mart 2015 11:13
-
- Siyasət
- 11 Mart 2015 12:39
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz