Pərakəndə ticarətin inersiyalı artımı

Bu ilin iki ayında Azərbaycanda pərakəndə ticarət 8,5% artıb, deyə Dövlətstatkom bildirir. Müstəqil ekspertlər hesab edir ki, indiki iqtisadi şəraitdə pərakəndə ticarətin artması barədə deyilənlər şübhə doğurur.

DSK-nın məlumatına görə, ilin əvvəlindən istehlakçılara 3,5 mlrd manatlıq mal satılıb. Bunun 50,1%-i ərzağın payına düşür.

«İnvestisiya aktivlərinin iş yerlərinin və əhalinin gəlirlərinin azalması ilə müşayiət olunan azalması şəraitində ticarət əməliyyatları yalnız nominal olaraq arta bilər. Bu halda hökumət devalvasiyadan sonrakı qiymət artımını da etdiraf etməlidir», deyə iqtisadçı Rövşən Ağayev Turan-a bildirib.

Azərbaycanda pərakəndə ticarətin dövriyyəsinin dəqiq uçotu aparılmır. Çox az sayda ƏDV ödəyicisi olan obyektlər real dövriyyəni gizlətmir. Obyektlərin çoxu sadələşdirilmiş vergi ödəyir, yəni dövriyyənin 2%-i (Bakıda) və 4% (başqa regionlarında). Ona görə vergidən yayınmaq üçün onlar dövriyyənin bir hissəsini gizlədir.

Yerli KİV ticarətçilərə istinadən yazır ki, ilin əvvəlindən «Binə» və «Sədərək» yarmarkalarında ticarət iki dəfə azalıb.

Dövlətstatkom pərakəndə ticarət dövriyyəsini öz metodologiyası ilə hesablayır. Buna görə ehtimal etmək olar ki, pərakəndə ticarətdə artım rəqəmlərin inersiyasının nəticəsidir. 08B