Ramin Cəbrayılzadə
Çərşənbə axşamı Bakının Xətai Rayon Məhkəməsi Meydan TV-nin reportyoru Ramin Cəbrayılzadənin (Deko) ev dustaqlığına keçirilməsi haqqında vəsatəti təmin etməyib.
Vəkil Nemət Kərimlinin Turan-a verdiyi məlumata görə, vəsatət reportyor barəsində istintaq hərəkətlərinin aparılmamasına əsaslanıb.
"Həbs qətimkan tədbiri heç bir dəlil olmadan seçilib. Hazırda heç bir istintaq hərəkəti aparılmır. Bu halda onu həbsdə saxlamaq üçün heç bir əsas yoxdur", deyə vəkil bildirib.
Müdafiə tərəfi apellyasiya şikayəti verəcək.
* 6 dekabr 2024-cü il tarixində Meydan TV-nin əməkdaşları - Aynur Elgünəş, Aytac Tapdıq, Xəyalə Ağayeva, Aysel Ümidova, Natiq Cavadlı və sərbəst jurnalist Ramin Deko (Cəbrayılzadə), həmçinin media eksperti Ülvi Tahirov valyuta qaçaqmalçılığında şübhəli bilinərək saxlanılıb.
Dekabrın 8-də məhkəmə onları həbs edib. Jurnalistlər cinayət işini peşə fəaliyyətləri ilə əlaqələndiriblər. Hüquq müdafiəçiləri onları siyasi məhbus kimi tanıyıblar.
Siyasət
-
2024-cü ildə Avropa İnsan Hüquqları Məhkəməsi (AİHM) Azərbaycanla bağlı 39 qərar qəbul edib. Həmin qərarlardan 38-də azı bir pozuntu müəyyən edilib. Yalnız 1 qərarda pozuntu müəyyən edilməyib.
-
Fevralın 4-də Avropa İnsan Hüquqları Məhkəməsi (AİHM) Azərbaycandan 14 ərizəçinin müraciətləri üzrə 2 qərarı açıqlayıb, bu barədə https://aihmaz.org saytında məlumat yerləşdirilib.
-
Qazaxıstanın nəqliyyat naziri Marat Karabaev fevralın 4-də keçirilən mətbuat konfransında bildirib ki, AZAL-ın təyyarəsinin Aktau yaxınlığında qəzaya uğraması ilə bağlı ilkin hesabat yaxın günlərdə dərc olunacaq.
-
Fevralın 3-də Bakı Apellyasiya Məhkəməsi hakim Habil Məmmədovun sədrliyi ilə Nərimanov Rayon Məhkəməsinin iqtisadçı və siyastəçi Qubad İbadoğlunun bütün əmlakının üzərinə həbs qoyulması barədə qərardadından verilən şikayəti təmin etməyib.
Rəy yaz