Rəsmi və iqtidaryönlü qəzetlər dövlət başçısı İlham Əliyevin İslam Əməkdaşlığı Təşkilatına üzv dövlətlərin xarici işlər nazirlərini qəbul etməsini ilk səhifəyə çıxarıblar. Bundan əlavə, bu qəzetlərdə bələdiyyələrin fəaliyyətlərinə dair qanunlardakı dəyişikliklərin mətnləri yer alıb.
Bu qəzetlər demokratik qüvvələrin birlyi olan Milli Şuranı antimilli qüvvə olmaq kimi ittihamlara məruz qoyublar.
“Azadlıq” qəzeti rəsmi Bakının anti-Rusiya kampaniyasına görə baş nazirin keçmiş müavini Abbas Abbasovun iqtidara “korrupsiya, işsizlik və digər problemləri həll etmək əvəzinə Rusiyadan düşmən uydurublar” bəyanatını manjetə çıxarıb.
Tanınmış tarixçi-professor Cəmil Həsənli demokratik qüvvələrin bilriyi olan Milli Şuranı “Moskvanın layihəsi” kimi cəmiyyətə tanıtmaq istəyən iqtidara “hakimiyyət əbəs olaraq Milli Şurada Rusiya izi axtarır” cavabını verib.
ABŞ Milli Demokratiya İnstitutunun fəaliyyətinə icazə verilməsini siyasi ekspertlər rəsmi Bakının bu quruma ittihamlarının əsassızlığı, həm də həbsə aldığı NİDAçıların günahsızlığının etirafı kimi dəyərləndirirlər.
Azərbaycan iqtidarı “xarici xeyriyyə qurumlarının ölkədə fəaliyyətinə ehtiyac olmaması” səbəbilə ölkədə fəaliyyət göstərən İranın “İmam Xomeyni” xeyriyyə təşkilatının fəaliyyətini dayandırıb.
AXCP funksioneri Sahib Kərimovun maşınının yan və arxa şüşələri yaşadığı evin önündə sındırılıb, maşının içindəki sənədlər götürülüb, sənədlərin kserosurətləri çıxarıldıqdan sonra yenə maşına qoyulub.
“Zerkalo” Türkiyədə “Taksim problemi”ni həll etmək üçün baş nazir Ərdoğanın hücuma keçdiyini yazaraq bunun nəticəsində “amma Türkiyə daha əvvəlki kimi olmayacaq” qənaətini ifadə edir.
2013-cü ildə Azərbaycanın gəlir neftinin payının 71% olacağını yazan qəzet bunu “maliyyə sabitliyinin təmin olunması” adlandırır.
“Ekspress” rəsmi Bakının Fələstinə 5 milyon dollar ayırmasına, amma İslam Əməkdaşlığı Təşkilatının digər üzvlərinin bu addımı atmamasına “gözlənilən effektin alınmaması” qənaətini bildirir.
Qarabağda yetişdirilən narkotik vasitələr İran vasitəsilə Azərbaycana daşınır.
Təhsil üzrə ekspertlər ibtidai siniflər üçün 12 dərsliyin yararsız sayıldığını nəzərə çatdırıblar.
Vətəndaş cəmiyyəti institutlarının təmsilçiləri son 5 ayda 16 yaşına çatmayan 57 qızın zorlandığını, uşaqlara işgənc verilməsi kimi 22 faktın qeydə alındığını nəzərə çatdırırlar.
“Exo” hüquq-mühafizə orqanlarına istinadən 2012-ci ildə uşaqlara münasibətdə 500-ə qədər cinayətin qeydə alındığını bildirir.
“Novoe Vremya” AŞPA-nın Azərbaycan üzrə həmməruzəçilərinin səfərinin mənasızlığına “həmməruzəçilər yenidən Bakıdadır, nə daha ağır gələcək “qara kürü, yoxsa, demokratik dəyərlər?” sualı ilə mövqe ifadə edir.
Qəzet PA-nın şöbə müdiri Novruz Məmmədovun rəsmi Bakını beynəlxalq imicin maraqlandırmaması ilə bağlı cavabını “”Qərb özünü qoru, Bakı hücuma keçir” kimi şərh edir.
“Bizim yol”. Vəkil Əsabəli Mustafayev bildirib ki, hüquqlarını bərpa etdiyi keçmiş siyasi məhbuslar ona çatmalı olan vəsaiti ödəmədikləri üçün onları məhkəməyə verməyə hazırlaşır.
Narkotik maddə ittihamı ilə həbsə alınan Şaiq Ağayev məhkəmə prosesində Lənkəran polis şöbəsində barmaqlarının kəlbətinlə sıxılması, dəyənəklə dabanlarına, böyrəklərinə vurulması kimi işgəncələrə məruz qalması haqda açıqlama verib.
Qəzet MTN-in 12 narkobaronu həbs etməsini “Ermənistan-İran-Azərbaycan narkoşəbəkəsinin çökdürülməsi” kimi dəyərləndirir.
“Yeni Müsavat” Azərbaycanın bəzi dairələrində davam edən anti-Rusiya kampaniyasına baş nazirin keçmiş müavini, şərti “milyarderlər ittifaqı”nın sədri Abbas Abbasovun bəyanatını “Rusiyaya qarşı çıxanlara xəbərdarlıq” kimi şərh edir.
Rəsmi Bakının Fələstinlə bağlı keçirdiyi tədbirdə XİN rəsmisi Pərvin Mirzəzadə “jurnalistləri buradan rədd edin” deyərək jurnalistləri təhqir edib.
AŞPA-nın Azərbaycan üzrə həmməruzəçiləri Pedro Aqramunt və Josef Qrex parlamentdə təmsil edilən partiyaların nümayəndələrilə görüşdə jurnalistlərin iştirakına icazə verilməyib.
Milli Şuranın sədri Rüstəm İbrahimbəyov qurum üzvlərinə məktub göndərərək Eldar Namazovu icra aparatının rəhbəri təyin etdiyini və tədbirlərin keçirilməsini ona tapşırdığını açıqlayıb.
PA-nın şöbə müdiri Novruz Məmmədov dövlət başçısı İlham Əliyevin 3-cü dəfə prezidentliyə namizədliyinin aparıcı dövlətlərlə razılaşdırılması, amma müxalifətin buna inanmaması haqda bəyanatla çıxış edib.
Əmlak Komitəsi iş adamı İsgəndər Xəlilova məxsus olan “Bakı Teleqrafı” ASC-ni hərraca çıxarıb.
Rəy yaz