Rəsmi qəzetlər dövlət başçısı İlham Əliyevin ölkə müəllimlərinin XIV qurultayına təbrik məktubunu, Fövqəladə Hallar Nazirliyinin bir sıra əməkdaşlarına əsgəri rütbələr, fəxri adların verilməsi haqda sərəncamlarını ilk səhifələrə çıxarıblar.
“Azadlıq” qəzeti Milli Şuranın ölkədə bahalaşmaya etiraz olan 15 dekabr mitinqilə bağlı xəbərləri ilk səhifəyə çıxararaq aksiyanı ümumi olaraq “xalqın bahalaşmaya “yox” deməsi” kimi dəyərləndirir.
“Azad Avropa” radiosu Əliyevləri korrupsiya və saxtakarlıqda ifşa edən “viktorina” keçirir, viktorinanın sualları və ehtimal edilən cavabları qəzetdə dərc edilib.
Qəzet məxfi neft sazişlərində və neft satışında adı keçən ARDNŞ prezidenti Rövnəq Abdullayevin dayısıoğlu Anar Əliyevin 12 qohum-ərqəbasının (atası, əmisi, qardaşları) ölkənin neft sektorunda əhəmiyyətli vəzifələrdə olması haqda məlumatlar dərc edib. “Global Witnes” təşkilatının Azərbaycanda neft maxinasiyaları ilə araşdırmalarına izahatla “cavab” verən ARDNŞ nədənsə qurumun “Anar Əliyev sizin qohumunuzdurmu?” sualına cavab verməyi “unudub”. Ekspertlər isə ARDNŞ-nin izahatını yetərli saymayaraq “bu izahatla ARDNŞ özünü təkzib edir, çünki, öncə Anar Əliyevi tanımadığı barədə açıqlama yaymışdı” mövqeyini ifadə edirlər.
Ukraynada avrointeqrasiya məsələsinə toxunan ekspertlər Ukraynadan sonra növbənin Azərbaycana çatdığını deyərək, bunu Azərbaycanın Avropaya Belarus, Gürcüstan, Moldova və Ermənistandan önəmli olması ilə əlaqələndirirlər.
“Yeni Müsavat” Ukraynada avrointeqrasiya prosesləri bağlı keçirilən aksiyalarda Müsavat Partiyası başqanı İsa Qəmbərin çıxış erməsi xəbərini ilk səhifəyə çıxarıb. Ekspertlər Ukraynada baş verən proseslərin Azərbaycana təsirinə “Ukraynada idarə olunan proseslər bizim qapımızı da döyür” şərhini veriblər.
Milli Şuranın bahalığa etiraz olan 15 dekabr aksiyası barədə yazan qəzet qurumun sədri Şura sədri Cəmil Həsənlinin xalqı üsyana çağırması kimi iddianı önə verib.
“Amnesty İnteranational” təşkilatı rəsmi Bakıya MTN təcridxanasında saxlanılan jurnalist Pərviz Həşimlinin işgəncələrə məruz qalması ilə bağlı çağırış edib.
Cəmiyyət
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
Rəy yaz