Mətbuat-Monitorinq 19.03.14

Rəsmi qəzetlər dövlət başçısı İlham Əliyevin Novruz bayramı ilə bağlı xalqa təbrikini, Əfqanıstanın xarici işlər nazirini qəbul etməsi xəbərlərini ilk səhifələrə çıxarıblar.  
   

“Azadlıq” qəzeti Azərbaycan oliqarxları üçün üzərində mərhum dövlət başçısı Heydər Əliyevin imzası olan qızıl korpuslu “iPAD”lərin istehaslı nəzərdə tutulduğunu, H.Əliyevin qızı Sevil Əliyevanın bu telefonlarda atasının imzası olmasına kəskin etirazını ilk səhifəyə çıxarıb.  

Etibarlı mənbələrə isnadən qəzet rəsmi Bakının 2013-cü il prezident seçkilərində Fetullah Gülenin “nurçu” şəbəkəsinin lobbi xidmətindən istifadə etdiyini bildirir.

Parlamentin komitə sədri Əli Hüseynli ABŞ-ın Azərbaycan səfirliyini ölkədə müstəqil məhkəmə sisteminin formalaşmasına mane olmaqda ittiham edib.   

Qəzet son 6 ayda ölkədə tütün məmulatlarının qiymətlərinin ikinci dəıfə bahalaşdığını və qiymət artımının 10-30 qəpik təşkil etdiyini bildirir.

2012-ci ildə həbs edilən “hicab məhbusu” Elçin Quliyevin saxlandığı 17 saylı həbsxanada döyülmərlər nəticəsində səhhəti pisləşib, İslamçıların Hüquqlarını Müdafiə Komitəsi hər-hansı hadisəyə görə məsuliyyətin həbsxana üzərində qalacağını bəyan edir.
        

“Zerkalo” qəzeti rəsmi qurumların “Qanun” nəşriyyatına təzyiqlərini “kitablara qarşı mühakimə” kimi dəyərləndirir.
 

“Exo” qəzeti ekspertlərə isnadən ölkədə 1718 bələdiyyə qurumunun olduğunu, amma 250-300 sayda bələdiyyə qurumunun ölkə üçün yetərli olduğunu yazır.
 

“Novoe Vremya” qəzeti rəsmi Kremlin Kırmdakı davranışından sonra rəsmi Bakının NATO-ya daha sıx bağlanması məsələsini önəmli sayır.
 

“Bizim yol” qəzeti yol tikintisi sahəsindəki mənimsəmələrlə bağlı yazaraq, bu məsələdə böyük layihələrin icraçısı olan “İmpressa” şirkətini təqsirli sayır.
   

“Yeni Müsavat” qəzeti rəsmi Kremlin Krımı işğal etməsinin Azərbaycanda təkrarlana biləcəyinə “Azərbaycana qarşı şimal təhlükəsi ciddiləşir” mövqeyi ifadə edərək, ilk səhifəyə çıxarıb.

Qəzetin iddiasına görə, Türkiyə baş naziri Erdoğan dövlət başçısı İlham Əliyevə zəng vuraraq, “nur”çu sayılan Elnur Aslanovun işdən azad edilməsinə görə təşəkkür edib və “nur”çuların yeni siyahısını Əliyevə göndərəcəyini deyib.

Müdafiə Nazirliyi zabitlərin maaşlarının artırılması ilə bağlı təkliflərin hazırlandığını yazan qəzet onların razılaşdırılmaq üçün Maliyyə Nazirliyinə göndərildiyini qeyd edir.