Mətbuat-Monitorinq 22-23.12.13

“Azadlıq” qəzeti rəsmi Bakının Türkiyədə həbsə alınan Sədərək gömrük rəisinin arzuolunmaz ifadələr verəcəyindən narahat olması xəbərini ilk səhifəyə çıxarıb. 

Türkiyədə bu günlərdə həbsə alınan iş adamı Rza Zərrabinin Azərbaycan səas adamı deputat Cavanşir Paşazadənin olması xəbər yaydığına görə deputat “Yeni Müsavat” qəzetini məhkəməyə verməyə hazırlaşır.

Ölkədəki ictimai-siyasi situasiyanı təhlil edən ekspertlər rəsmi Bakının siyasi məhbusların sayını artırmasını Qərblə alver predemtinə çevirmək üçün edildiyi qənaəti bildiriblər. Həbs edilən QHT rəhbəri Anar Məmmədlinin xanımı Vəfa Sübhani ölkə prokurorluğun həyat yoldaşı haqda açıqlamalarını absurd sayaraq Anarın seçkinin nəticələrini məınfi dəyərləndirdiyi üçün həbs olunduğunu deyib.

Milli Şuranın sədri Cəmil Həsənliyə gündəlik qəzetlər gətirən qəzet yayımçısı hədələnib və satdığı qəzetlər əlindən alınıb.

ARDNŞ-in məxfi neft sazişləri sistemini aşkar etdiyinə görə şirkətin “Global Witness”i məhkəməyə verəcəyi hədəsinə hüquq müdafiəçiləri “təşkilatın hesabatını  təkzib etmək üçün şirkətin faktı yoxdur” mövqeyi ifadə ediblər. Ölkədə benizin qiyməti artmından sonra başlanan bahaçılığı ört-basdır etmək üçün iqtidarın aşağı qiymətlərə satılma üçün yarmarkalar təşkil etmək addımını “ucuzlaşma şousu” adlandırır. 

Qəzet iddia edir ki, paytaxt küçələrində saxlanılan avtomobillərin aparılması üçün evakuasiya hüququnun yol polisilə yanaşı nəqliyyat nazirliiynə verilməsi iki qurum başçıları arasında qarşıdurmaya səbəb olub.

“Yeni Müsavat” qəzeti Türkiyədəki həbslərdə Azərbaycandan olan iş adamı Mübariz Mənsimovu digər iş adamı İhsan Kalkavanın tutulmaqdan qurtarması iddiasını önə çəkib.

Qəzetin iddiasına görə, Türkiyədə həbsə alınan Sədərək gömrük məntəqəsinin rəisi Mirməhəmməd Seyidov Rza Zərrabın qara para əməliyytaına aiddiyyatı olan məmurların adlarını açıqlayıb.   

Azərbaycan əleyhinə casusluqda, Bakıdakı İsrail səfirliyini partlatmaqda suçlu sayılaraq Bakıda 15 il azadlıqdan məhrum ediən İran vətəndaşı Bəhram Feyzini günahsız sayan rəsmi Tehran azadlığa buraxılmasını tələb edib. 

Qəzetin yazdığına görə, Gəncə Dövlət universitetinin prorektoru Yusif Yusifov rektor Yadigar Əliyevi məcburən istefa ərizəsi yazmağa məcbur  edib, möhrü də əlindən alıb.