Mətbuat-Monitorinq 30.06-01.07.13

“Azadlıq” qəzeti “iqtidarın ikinci namizəd planı” adlı deputat Mehriban Əliyevanın prezidentliyə namizədliyinin irəli sürülməsi məsələsini manjetə çıxarıb.

Rəsmi Bakının TAP qaz layihəsini seçməsini rusiyalı ekspertlər Bakının NABUCCO-dan imtinası sayır və bu imtinada Kremlin əli olmasını inkar etmirlər.  

Bu il yanvarın sonlarında “İsmayıllı hadisələri”lə bağlı həbslərə vəkillər “bu şəxslərin 5 aydır ki, günahsız həbsdə olmaları” şərhini veriblər. 

Son zamanlar iqtidarı kəskin tənqidə məruz qoyan polkovnik İsa Sadıqova qarşı keçmiş döyüşçü və şəhid ailələrinin əli ilə “şou” hazırlandığı bildirilir. 

“Naxçıvan Ziyalıları” birliyi dövlət başçısı İlham Əliyevin namizədliyinin 3-cü  dəfə, xanımı Mehriban Əliyevanın namizədliyinin isə irəli sürülməsinə etiraz ediblər. 

Ölkənin etiraz elektoratını birləşdirən Milli Şura sədri Rüstəm İbrahimbəyovun prezidentliyə namizədliyini deputat Mehriban Əliyevanı xeyrinə geri çəkəcəyi haqda informasiyaları PA-nın rəhbəri Ramiz Mehdiyevə bağlı şəbəkənin yaydığı deyilir.    

MTN nazirlərin rayon görüşlərini nəzarətə götürüb, nazirlərin səfərlə bağlı açıqlamaları ilə MTN-çilərin “monitorinq”ləri müqayisə edilir.   

Rəsmi Bakını mahiyyətcə “quldur, kriminal dəstə” adlandıran polkovnik İsa Sadıqov iqtidarın ona qarşı cinayət ışi qaldırmasının ancaq gülüş doğurdğunu deyib. 

Hüquq-müdafiə qurumları AŞPA-nın Azərbaycanda seçki müşahidəsini həyata keçirəcək deputatların çoxunu “iqtidarın dostları” adlandırıblar. Nəqliyyat sektorunu monitorinq edən ictimai qurumlar Nəqliyyat Nazirliyinə aid qurumların biabırçı vəziyyətdə çalışdıqlarını açılqayıblar. 

“Yeni Müsavat” iqtidarın müəssisələrdə “paket maaşı” sisteminə qayıtmasını önə çəkərək bunu “seçki pulunun paylanması kampaniyası” adlandırır. 

Ölkənin etiraz elektoratını ətrafında birləşdirən Milli Şura sədri Rüstəm İbrahimbəyovun şərti “milyarderlər ittifaqı”nın Moskvada tədbirinə qatılmaması ““milyarderlər ittifaqı” ilə əlaqələrin kəsilməsi” adlandırılır.   

Təhsil naziri Mikayıl Cabbarovun müavini Qulu Novruzovun istefa ərizəsini almasını ekspertlər “Naxçıvan klanı”na qarşı revanş adlandırır. 

Bakıda fəaliyyət göstərən “Naxçıvan Ziyalıları” bilriyinin toplantısı “Naxçıvanlıların Bakıda iqtidara qarşı toparlanması” kimi şərh edilir.   

Yeni stadion tikintisi ilə bağlı Bakı metrosunun “Koroğlu” stansiyasının yaxınlığındakı Böyük Şor qəsəbəsindəki yüzlərlə  evin sökülməsinə başlanılır, sənədsiz evlərdə yaşayan ailələr kompensaiya ala bilməyəcək. 

Rəsmi Bakının NABUCCO kəmərindəın imtina etməsi “Azərbaycanla Rusiya arasında sirli anlaşma” kimi dəyələndirilir. 

Pənah Hüseyn Rüstəm İbrahimbəyov və yaxın çevrəsi İsa Qəmbər və onun təmsil etdiyi qüvvələrlə bir çox məsələləri açıq, səmimi müzakirə edib razılaşdırmasa ortaya ciddi problemlərin çıxacağı barədə xəbərdarlıq edib.