Bakı/05.02.18/Turan: Mətbuat Şurası martın 10-da ölkə jurnalistlərinin qurultayını keçirmək niyyətindədir. Bu qərar bazar ertəsi şuranın iclasında qəbul edilib. Elə oradaca tədbirin keçirilməsi üzrə təşkilat komitəsi yaradılıb.
Mətbuat Şurasının üzvü olan gündəlik qəzetlərin və informasiya agentliklərinin hər birinə 2 nümayəndə yeri, həftəlik və aylıq qəzetlərə, regional nəşrlərə, jurnallara, jurnalist təşkilatlarına və internet saytlarına bir yer ayrılacaq. Qurultay Mətbuat Şurasının üzvlərini seçir.
Mətbuat Şurası 2003-cü ildə Azərbaycanda bütün KİV-lərin maraqlarını təmsil edən müstəqil ictimai təşkilat kimi yaradılıb. Amma tezliklə bu qurum hakimiyyətin tam nəzarəti altına düşüb, müstəqil və müxalif KİV-lər isə onun tərkibindən çıxıb. Bununla belə, Mətbuat Şurası bütün jurnalistlərin adından danışmağa iddia edir.
Ötən illər ərzində Mətbuat Şurası hakimiyyətin siyasətini təbliğ edən carçıya çevrilib və ölkədə mətbuat və söz azadlığının müdafiəsi üçün, demək olar ki, heç nə etməyib. -02D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz