Açiq mənbələrdən foto.
Bakı/22.07.20/Turan: İyulun 22-də bir qrup reportyor və videobloqer Azərbaycan Mətbuat Şurasının binası qarşısında etiraz aksiyası keçirib. Aksiya iyulun 22-də qeyd olunan Milli Mətbuat Gününə həsr olunub.
Reportyorlar “Jurnalistika cinayət deyil!”, “Azad media susdurulmamlıdır!”, "Əflatun Amaşova istefas!” və s. şüarlar səsləndiriblər.
Aksiya iştirakçıları qeyd ediblər ki, Mətbuat Şurası peşə fəaliyyətinə görə təzyiqlərə məruz qalan jurnalistlərə heç zaman dəstək olmayıb.
“Ən əsası isə odur ki, Nazirlər Kabineti yanında Operativ Qərargah sərt karantin elan edəndə Mətbuat Şurası sərbəst işləməsinə imkan verilməyən jurnalistləri müdafiə etmədi”, - aksiya iştirakçılarından biri bildirib.
Aksiya iştirakçıları KİV-ə ayrılan yardımın ədalətli bölüşdürülməsini də tələb ediblər.
Aksiya iştirakçıları Mətbuat Şurasının rəhbəri Ə.Amaşova çatdırılması üçün boş kağız vərəqləri MŞ nümayəndəsinə təqdim ediblər.
Öz növbəsində Ə.Amaşov Turan-a deyib ki, Mətbuat Şurası “jurnalistlərin problemləri ilə məşğul olur”. Onun sözlərinə görə, ictimai təşkilat olan MŞ KİV-ə yardımın bölüşdürülməsi ilə məşğul olmur.
Həbs edilmiş jurnalistlərə gəlincə, “Mətbuat Şurası onların işlərini öyrənir”, -Ə. Amaşov bildirib.—06D
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz