Rəşad Dağlı
Bakı/09.11.22/Turan: Meyxana ifaçısı, Rəşad Dağlı kimi tanınan Rəşad Əmirov adam öldürməkdə şübhəli bilinərək saxlanılıb.
Qaradağ Rayon Prokurorluğunun verdiyi məlumata görə, noyabrın 9-da səhər saat 5 radələrində idarəyə 1979-cu il təvəllüdlü İsgəndər Mehdiyevin öldürüldüyü haqqında məlumat daxil olub.
Araşdırma zamanı Mehdiyevin 1984-cü il təvəllüdlü Rəşad Əmirov (Rəşad Dağlı) tərəfindən, şəxsi münasibətlər zəminində yaranan münaqişə zamanı çoxsaylı bıçaq xəsarəti yetirilməklə öldürüldüyünə dair əsaslı şübhələr yaranıb.
Faktla bağlı Azərbaycan Cinayət Məcəlləsinin 120.1-ci (qəsdən adam öldürmə) maddəsi ilə cinayət işi açılıb. Rəşad Əmirov şübhəli şəxs qismində saxlanılıb və istintaqa cəlb edilib.
Yerli KİV-lərin məlumatına görə, münaqişəyə Mehdiyevin Əmirovun ünvanına təhqiredici ifadələri səbəb olub.
Mehdiyev bundan əvvəl qanunsuz narkotik dövriyyəsində ittiham olunaraq mühakimə edilmişdi və bu yaxınlarda azadlığa çıxıb. 06D
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz