Мустафа Гаджибейли
Bakı/21.02.19/Turan: Bu gün Bakı Ağır Cinayətlər Məhkəməsində bastainfo.com saytının baş redaktoru Mustafa Hacıbəylinin barəsində hökm oxunub. Məhkəmə onu Cinayət Məcəlləsinin 281 (dövlət əleyhinə çağırışlar), 309 (vəzifə səlahiyyətlərini aşma) və 313-cü (vəzifə saxtakarlığı) maddələri üzrə təqsirli bilib.
Eyni zamanda M.Hacıbəylinin Qarabağ müharibəsində iştirakını, himayəsində həddi-büluğa çatmayan uşaqların olduğunu nəzərə alaraq məhkəmə CM-in şərti cəza haqqında 70-ci maddəsini tətbiq edib. Sonda məhkəmə jurnalisti 2 il sınaq müddəti olmaqla şərti olaraq 5,5 il müddətinə azadlıqdan məhrum edib. Bu, o deməkdir ki, əgər 2 il ərzində M.Hacıbəyli "yeni cinayət" törətməsə cəza müddəti tam çəkilmiş hesab olunacaq.
Hökm oxunmazdan öncə jurnalist yekun sözlə çıxış edib. O, cinayət işini qanunsuz və əsassız adlandırıb.
M.Hacıbəyli onun vəzifəli şəxs kimi təqdim olunmasını və vəzifə cinayətlərində ittihamı absurd adlandırıb.
"Mənim nəinki vəzifəm, heç iş yerim də yoxdur. Prokurorluğun sorğusu ilə Konstitusiya Məhkəməsi vəzifəli şəxslərin siyahısını açıqlayıb və jurnalistlər ora daxil edilməyib", - M.Hacıbəyli vurğulayıb.
M.Hacıbəyli ona bəraət verilməsini xahiş edib.
O qeyd edib ki, hər zaman söz azadlığının müdafiəçisi olaraq qalacaq.
Müdafiə tərəfi hökmdən şikayət vermək niyyətindədir.
* İyulun 9-da Baş Prokurorluq Gəncənin icra başçısı Elmar Vəliyevə sui-qəsd və Mingəçevirdə elektrik enerjisinin kəsilməsi nəticəsində bütün ölkənin işıqsız qalması ilə bağlı İnternetdə yayılan "yalan məlumatlar" və "qanunsuz çağırışlar"a dair cinayət işinin qaldırıldığını bildirmişdi. Bundan sonra prokurorluq "bastainfo.com", "criminalaz.com", "topxeber.az" və "fia.az" saytlarının bağlanması barədə Rabitə Nazirliyinə müraciət etmişdi.
Öncə M.Hacıbəyli iş üzrə şahid kimi keçib. Ancaq noyabrın 30-da müttəhim statusuna keçirilib.
Ona qarşı Cinayət Məcəlləsinin 281.2 (dövlət əleyhinə yönələn açıq çağırışlar), 309.2 (vəzifə səlahiyyətlərini aşma) və 313 (vəzifə saxtakarlığı) maddələri ilə ittiham irəli sürülüb.
M.Hacıbəylinin barəsində polis nəzarətinə götürülmə üzrə qətimkan tədbiri seçilib. O, ittihamları rədd edib.-21C--
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz