Cəbrayılov Rafael
Bakı/02.04.21/Turan: Milli Məclisin keçmiş deputatı Rafael Cəbrayılov fırıldaqçılıq ittihamı ilə həbs edilib.
Baş Prokurorluğun məlumatına görə, Cəbrayılov vəzifə səlahiyyətlərindən sui-istifadə etməklə, külli miqdarda ziyan vurmaqla fırıldaqçılıq törətməkdə ittiham olunur.
İstintaq müəyyən edib ki, Cəbrayılov deputat olarkən Binəqədi rayonunda onun qardaşı Rauf Cəbrayılovdan 2 hektar torpaq sahəsi alan Bakı sakininə mülkiyyət hüquqlarının dövlət qeydiyyatına alınması barədə çıxarışın əldə edilməsində köməklik göstərməyi vəd edərək, ondan 240 min manat pul alıb və bu məbləği mənimsəyib.
Aldatma və etibardan sui-istifadə etmə yolu ilə özgə əmlakını ələ keçirməsinə dair əldə edilmiş kifayət qədər sübutlarla əsaslar müəyyən olunduğundan Cəbrayılova qarşı Cinayət Məcəlləsinin 178.3.2-ci (külli miqdarda ziyan vurmaqla dələduzluq) maddəsi ilə ittiham irəli sürülüb.
Məhkəmə Cəbrayılovu istintaq müddətinə həbs edib. Cəbrayılovun törətdiyi bütün cinayətlərin müəyyən edilməsi istiqamətində araşdırma aparılır.
İki il əvvəl kütləvi informasiya vasitələri Cəbrayılovun 300 min dollar məbləğində borcu ödəyəcəyinin zəmanəti olaraq öz deputatlıq mandatını girov qoyduğu barədə məlumat yayıb.
Cəbrayılov bir neçə nəfərdən aldığı bu məbləği qaytara bilməyib, bunu tikinti biznesinə uğursuz yatırımla, qardaşının tikdirdiyi çoxmərtəbəli yaşayış binasında mənzilləri satmağın mümkün olmaması ilə izah edib. Bu qalmaqal fonunda Cəbrayılov deputat mandatından imtina etmək məcburiyyətində qalıb.
Qeyd edək ki, Cəbrayılov vətəndaş hüquq və azadlıqlarını məhdudlaşdıran bir sıra mürtəce qanunvericilik təşəbbüslərinin müəllifi idi. 16D06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz