Açiq mənbələrdən foto.
Bakı/09.10.20/Turan: Bütün ölkədə ordu üçün vəsait yığımı üzrə ictimai kampaniya davam edir. Belə məntəqələrdən birini ictimai fəal, Milli Məclisə deputatlığa keçmiş namizəd Bəxtiyar Hacıyev yaradıb.
Bakıda Caspian Plaza Biznes Mərkəzində bu məqsədlə birinci mərtəbədə dörd otaq ayrılıb. Oktyabrın 3-dən burada hər gün 10-15 könüllü fərdi və şirkətlərdən ianələri qəbul edir.
Bu müddətdə döyüşən orduya (Murov və Naftalan) üç yük maşını geyim, gigiyena vasitələri, çadır, elektrik generatorları və s. göndərilib.
Fəallar əsgərlərə qələbə və sağlamlıq, evə sağ-salamat qayıtmaq arzuları ilə məktub göndərmək kampaniyasına başlayıblar. Məktublar cəbhəyə göndərilən qutulara yapışdırılır.
İş Müdafiə Nazirliyi və digər dövlət idarələri ilə koordinasiya şəraitində həyata keçirilir, Bəxtiyar Hacıyev Turan-a bildirib.
Fəallar hər gün saat 11:00-dan axşam saat 19:00-dək çalışır, malları çeşidləyir və paketləyirlər.
Oktyabrın 8-də orduya kömək edənlərin siyahısında minlərlə ad və şirkət olub. Qida məhsulları istisna olmaqla, ordu üçün faydalı ola biləcək hər şey qəbul edilir.
“Biz əvvəlcə pul qəbul etmək istəmirdik, amma xaricdəki azərbaycanlılar Bakıda mal almaq üçün maliyyə vəsaitini götürməyi xahiş etdilər. Həmin pula 4 dizel- generator aldıq. Hər gün 200 vətəndaş və şirkətdən yardım alırıq. Ümumilikdə, oktyabrın 3-dən 70 min manatdan çox pul və mal yığılıb”, - B. Hacıyev bildirib.
Azərbaycan Müdafiə Nazirliyi əhaliyə xəbərdarlıq edib ki, ordu hər şeylə təmin olunub və heç nəyə ehtiyacı yoxdur. MN orduya ərzaq məhsulları göndərməməyi, onları MN-ə verməyi xahiş edib. Belə ki, ərzaqla hərbçilərə çatdırılmadan öncə keyfiyyəti və uyğunluğu yoxlanılacaq. Buna baxmayaraq, vətəndaşlar zəruri hesab etdikləri hər şeyi toplayır və hərbçilərə çatdırırlar.—0—
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz