Bakı/19.03.22/Turan: Hazırda Azərbaycanın Milli Qəhrəmanı Viktor Seryoginin ailəsinin Ukraynadan evakuasiya edilməsi üçün tədbirlər görülür. Qəhrəmanın ailə üzvləri ümidlə hərbi əməliyyatların başa çatmasını gözləyirdilər, lakin martın 17-də onların evinə mərmi düşdükdən sonra evakuasiya üçün müraciət etmək qərarına gəliblər.
Azərbaycan diasporundan bildiriblər ki, hazırda Milli Məclisin Ukrayna ilə əlaqələr üzrə parlamentlərarası qrupunun rəhbəri Rüfət Quliyev, "Kiyev Azərbaycanlıları Konqresi" təşkilatının rəhbəri Oleq Krapivin və Azərbaycanın Moldovadakı səfiri Qüdsi Osmanov qəhrəmanın ailəsinin evakuasiya məsələsilə məşğuldurlar.
Deputat Quliyevin sözlərinə görə, səfir qəhrəmanın ailə üzvlərini Moldovada şəxsən qarşılayacaq və Azərbaycana yola salacaq.
Bakıda qəhrəmanın yaxınları onlara Milli Qəhrəmanın ailə üzvləri kimi mənzil və digər imtyazlar verilənə qədər müvəqqəti olaraq Qadın Sahibkarlığının İnkişafı Assosiasiyasının həmtəsisçisi Cəmilə Abdullayevanın evində qalacaqlar.
Viktor Seryogin Birinci Qarabağ müharibəsində qəhrəmancasına həlak olub.
1992-ci il yanvarın 28-də onun idarə etdiyi və bortunda 47 sərnişinin olduğu Mi-8 mülki vertolyotu erməni mövqelərindən atılan "Stinger" istilik raketilə vurulub. Havada partlayış və salonda yanğın baş verdikdən sonra Seryogin düşməkdə olan təyyarəni Şuşa şəhərinin yaşayış məhəllələrindən uzaqlaşdıra bilib. Seryogin ekipaj və sərnişinlərlə birlikdə həlak olub. O, Bakıda Şəhidlər Xiyabanında dəfn edilib.
1992-ci ilin noyabrında Azərbaycan prezidenti Əbülfəz Elçibəyin fərmanı ilə ona ölümündən sonra Azərbaycanın Milli Qəhrəmanın adı verilib.- 06B-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz