Bakı/29.11.18/Turan: Ümumgürcüstan Müsəlmanları Ali Dini İdarəsinin sədri Mirtağı Əsədov azad edilib"
"Turan" agentliyinin xəbərinə görə, bunu Ümumgürcüstan Müsəlmanları Ali Dini İdarəsindən bildiriblər.
İdarədən deyiblər ki, bu gün, noyabrın 29-da Bakı Apellyasiya Məhkəməsi belə qərar verib. Məhkəmənin Mirtağı Əsədovdan daxil olan müraciətə baxdığı və onu azad etdiyi bildirilir.
Həmin məlumatı Azadlıq Radiosuna Mirtağı Əsədovun həyat yoldaşı Şahanə Hacıyeva da təsdiqləyib. O, deyib ki, Mirtağı Əsədov hazırda Bakıdadır. Ancaq hələlik, onun özü ilə danışmaq mümkün olmayıb.
Bakı Apellyasiya Məhkəməsi bir həftə əvvəl Mirtağı Əsədov-un vəkillərinin apellyasiya şikayətini rədd etmişdi.
O vaxt Əsədovun 30 sutka inzibati həbs edildiyi deyilirdi. Onun cəza müddətinin gələn ayın 8-də başa çatacağı gözlənirdi.
"Ümumgürcüstan Müsəlmanları Ali Dini İdarəsinin" sədri Mirtağı Əsədov-un noyabrın 7-də Azərbaycan-Gürcüstan sərhəd-buraxılış məntəqəsində saxlandığı bildirilirdi. Bu barədə həmin idarə açıqlama yaymışdı.
Həmin açıqlamadan 4 gün sonra yaxınları bildirmişdilər ki, Mirtağı Əsədov inzibati qaydada 30 sutka həbs edilib.
Həyat yoldaşı Şahanə Hacıyeva Mirtağı Əsədovun haqqında məhkəmə qərarını əldə etdiyini bildirmişdi. O, qərarı noybarın 8-də Nərimanov Rayon Məhkəməsinin qəbul etdiyini deyirdi. Həmin qərarda deyilirdi:
"Gürcüstan vətəndaşı Əsədov Mirtağı 8 noyabr 2018-ci il tarixdə saat 12:30 radələrində Ə.Əlizadə küçəsi, ev 43 ünvanın yaxınlığında telefon ilə uca səslə nalayiq söyüşlər söyüb və polis əməkdaşlarının qanuni tələblərinə qəsdən tabe olmayıb. Bununla da onun barəsində İnzibati Xətalar Məcəlləsinin (İXM) 535.1 (Polis işçisinin və ya hərbi qulluqçunun qanuni tələbinə qəsdən tabe olmama) və 510-cu (Xırda xuliqanlıq) maddələri ilə protokol tərtib olunub".
"Hakim Samir Məmmədovun sədrlik etdiyi kollegiyanın qərarına əsasən, Mirtağı Əsədov İXM-nin 510 və 535.1-ci maddələri ilə təqsirli bilinib və barəsində 30 gün müddətinə inzibati həbs tədbiri seçilib", xanımı həmçinin vurğulayırdı.
Mirtağı Əsədovun əvvəllər Azərbaycan vətəndaşı olduğu, 2 ilə yaxındır ki, vətəndaşlıqdan imtina etdiyi bildirilir. Onun həyat yoldaşı Azərbaycanda yaşayır. Verilən məlumata görə, o ildə bir neçə dəfə Azərbaycana səfər edib.-0-
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz