![M.Qələndərovun ölümü ilə bağlı Baş Prokurora sorğu](https://turan.az/resized/750/500/resize/media/2017/main/050200000946.jpg)
M.Qələndərovun ölümü ilə bağlı Baş Prokurora sorğu
Bakı/02.05.17/Tuan: Preventiv Cavab Qrupu (PCQ) aprelin 28-da Bakı Vahid İstintaq Təcridxanasında intihar etdiyi deyilən mərhum bloger Mehman Qələndərovun ölümü ilə bağlı ölkənin Baş prokurou Zakir Qaralova sorğu ünvanlayıb və sorğuda deyilir:
“Həbsdə olan ictimai fəal, blogger, siyasi məhbus Qələndərov Mehman Hüseyn oğlu 28 aprel 2017- ci ildə Bakı İstintaq Təcridxanasında müəmmalı şəkildə dünyasını dəyişib. Rəsmi qurumlar intihar etdiyini bildirsə də, onun ölümündə xeyli şübhəli məqamlar var. Onun intihar etməsi üçün heç bir səbəb yoxdur. O, çox iradəli, prinsipial və həyata bağlı bir adam idi.
M.Qələndərova 07 fevral 2017-ci ildə Cinayət Məcəlləsinin 234.2-ci maddəsi ilə ittiham irəli sürülərək, Nəsimi rayon məhkəməsi tərəfindən onun haqqında 3 aylıq həbs-qətimkan tədbiri seçilib. O, mübariz bir insan idi. Bakıda və Tbilisidə hakimiyyətdən insan haqlarının qorunması tələbi ilə keçirilən bir çox aksiyaların fəal iştirakçılarından olub. Həbs olunan gün, 07 fevralda isə “heykəl məhbusları” Qiyas İbrahimov və Bayram Məmmədova azadlıq tələbi ilə Heydər Əliyevin heykəli önünə gedərək orada təkbaşına aksiya keçirib, etiraz şüarları səsələndirib. Məhz bu hərəkətindən dərhal sonra M.Qələndərov həbs olunub və ona qarşı heç bir əsas olmadan narkotika ittihamı irəli sürülüb. Həbs olunan gün polis bölməsində ağır işgəncələrə və həbsdən sağ buraxılmayacağı haqda təhdidlərə məruz qalıb.
M.Qələndərovun ölümünü Penitensiar Xidmət öncə təkzib etsə də, sonradan Respublika Prokurorluğunda CM-in 125-ci maddəsi ilə cinayət işi qaldırılıb. Onun nəşi yaxınlarına verilməyib və Zabrat qəbirəstanlığında gizli dəfn olunub. Bütün bu qeyd olunanlar isə onun intihar etməsi deyil, işgəncə ilə öldürülməsinə dair ehtimalları möhkəmləndirir.
Hesab edirik ki, M.Qələndərovun intihar olayı obyektiv və əhatəli şəkildə araşdırılmalıdır. Bunun ictimaiyyət nümayəndələrinin haqlı tələblərinə cavab olaraq onun qəbri ekshümasiya olunmalı, M.Qələndərova işgəncə verilməsi faktı müstəqil ekspertlərin və ictimaiyyət nümayəndələrinin iştirakı ilə araşdırılmalıdır. Sizi çağırışımıza səs verməyə, bu istiqamətdə əməli addımlar atmağa çağırırıq”.
Xatırladaq ki, PCQ 2011-ci ildə yaradılıb, əsas vəzifəsi KİV əməkdaşlarının həyatı, fəaliyyəti üçün yarana biləcək təhlükənin qarşısını almaq, KİV əməkdaşlarının qətli, döyülməsi, oğurlanması, şantajı və onlara mənəvi-psixoloji təzyiq göstərilməsi hallarını təhqiq etmək və jurnalistlərin həbs olunması faktı üzrə araşdırmalar aparmaqdır. -0-
-
- Çətin sual
- 2 May 2017 16:39
-
- Cəmiyyət
- 2 May 2017 17:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz