Bakı/02.05.17/Turan: Azərbaycan hakimiyyəti, görünür, mətbuat və söz azadlığını tamamilə məhv etmək yolu tutub. Amma bunu yalnız müvəqqəti etmək olar, bu azadlığı tamamilə boğmaq mümkün deyil. Bu fikri Turan agentliyinin Çətin Sual verilişinə müsahibəsində "Azadlıq" qəzetinin redaktoru Rövşən Hacıbəyli bildirib.
Mayın 3-də qeyd olunan Dünya Mətbuat Günü ərəfəsində Azərbaycanda mətbuat azadlığı ilə bağlı vəziyyəti şərh edən Hacıbəyli qeyd edib ki, vəziyyət o dərəcədə acınacaqlıdır ki, ümumiyyətlə azad mətbuatın mövcudluğundan danışmaq çətindir.
Rabitə Nazirliyinin müxalif internet resurslarının bloklanması tələbi ilə bağlı iddiası bunun parlaq nümunəsidir.
"Bloger Mehman Qələndərovun istintaq təcridxanasında sirli ölümü və bunu ictimaiyyətdən gizlətmək cəhdləri, dəfnin gizli həyata keçirilməsi ölkədə ifadə azadlığına münasibətin göstəricisidir", deyə jurnalist qeyd edib.
Hacıbəylinin sözlərinə görə, mətbuat azadlığının metodik olaraq məhv edilməsi 2000-ci ildən gedir. Bu dövr ərzində jurnalistlərin qətlləri, qəzetlərin, radiostansiyaların bağlanması halları olub, indi isə saytların bloklanması baş verir.
"Görünür, hakimiyyət ölkədə ifadə azadlığının ümumiyyətlə olmamasını qarşısına məqsəd qoyub. Amma söz azadlığını müvəqqəti olaraq məhdudlaşdırmaq olar. Tənqidi səsləri tamamilə susdurmaq qeyri-mümkündür", deyə jurnalist qeyd edib.
Belə ki, hakimiyyət "Azadlıq" qəzetinin çap versiyasının buraxılışını dayandırmağa müvəffəq olub, amma onun on-line versiyası çıxmağa davam edir. Ümumilikdə, tənqidi səslər İnternetə, sosial şəbəkələrə keçib. Bu proses gələcəkdə yalnız güclənəcək, vətəndaş jurnalistikası və blogerlik isə yalnız fəallaşır.
"Tənqidə görə təqiblər nə qədər çox olsa, tənqid o qədər çox səslənəcək. Digər tərəfdən, informasiyanın sərhədi yoxdur və hakimiyyət nə qədər istəsə də, Azərbaycanı xarici dünyadan təcrid etmək mümkün deyil", deyə Hacıbəyli qeyd edib.
Onun fikrincə, söz azadlığını tamamilə boğmaq üçün Azərbaycanı Şimali Koreyaya çevirmək lazımdır. -06B-
Çətin sual
-
7 yanvar tarixində yayımlanan müsahibəsində Azərbaycan Prezidenti İlham Əliyev Qərbi, xüsusilə ABŞ, Fransa və Avropa İttifaqını kəskin tənqid edib. Bu tənqidlərin konkret kimlərə ünvanlandığı və geniş mənası haqqında siyasi analitik və Mərkəzi Asiya üzrə ekspert Arkadi Dubnov “Çətin sual” proqramında danışıb.
-
Azərbaycan qış mövsümünə qədəm qoyarkən, tənəffüs yolları xəstəliklərinin yayılması ilə bağlı narahatlıqlar artır. Xüsusilə insan metapnevmovirusu (HMPV) bu spekulyasiyaların mərkəzindədir. İlk dəfə Çində aşkarlanan və 2024-cü ilin sonlarında Qazaxıstan və Rusiyada qeydə alınan HMPV hazırda Azərbaycanda diqqət mərkəzindədir. Səhiyyə Nazirliyi virusla bağlı məlumatlandırma kampaniyalarını təsdiqləsə də, onun ölkədə yayılma dərəcəsi və şiddəti barədə suallar qalmaqdadır.
-
Yanvarın 7-də dövlət başçısı İlham Əliyev yerli telekanallara müsahibə verib. Müsahibə zamanı Prezident bir çox məsələlərlə bağlı suallara aydınlıq gətirib.
-
İşıq, qaz, su qiymətlərinin qaldırılmasından sonra sosial mediada bəzi tariflərin artırılacağı barədə söhbətlər gəzir. İqtisadçı, REAL Partiyasının sədri Natiq Cəfərli Kamran Mahmudovun təqdimatında yayımlanan “Çətin sual” verilişində bu və gündəmdə olan digər mövzular barədə danışır.
Rəy yaz