![Foto TURAN.](https://turan.az/resized/media/2020/main/090100030335-750-500-resize.webp)
Foto TURAN.
Müflis olan Bank Standart-ın əmanətçiləri Mərkəzi Bankın qarşısında növbəti aksiya keçirib
Bakı/01.09.20/Turan: Müflis olan Bank Standart-ın əmanətçiləri bu gün Mərkəzi Bankın (AMB) binası qarşısında etiraz aksiyası keçirib. Onlar əmanətlərinin qaytarılmasını tələb edib.
Qeyd edək ki, bank müflis olandan sonra yalnız 10 min dollara qədər olan əmanətlər qaytarılıb.
İnsanlar bankın vəsaitlərinin böyük bir hissəsinin 153 müştəriyə girovsuz kredit şəklində verilməsindən qəzəblənib.
Bu 153 müştəri bankdakı bütün vəsaitlərin 80,3% -ni əldə edib. Lakin bank rəhbərliyindən və ya iri kredit alanlardan heç biri məsuliyyətə cəlb edilməyib.
Aksiya iştirakçıları “Bank Standart”: Pullarımızı qaytar” plakatı qaldırıblar. Onlar həmçinin “Pulumuzu qaytar” şüarını səsləndirib.
İki həftə əvvəlki aksiyada olduğu kimi AMB-dən heç kim onlarla görüşə çıxmayıb.
Polis vətəndaşlara Əmanətlərin Sığortalanması Fonduna getməyi məsləhət görüb. Lakin onlar bunu etməkdən imtina edib, çünki orda olublar və bu da nəticəsiz qalıb.
Aksiyanın yekunlarına əsasən, bir qrup etirazçı Mərkəzi Bankın rəhbəri Elman Rüstəmovun adına müraciət yazıb. Lakin Rüstəmov onları qəbul etməyib.
Əmanətçilər komitəsinin sədri Şahin Əhmədov bu ilin yanvar ayında Turan-a bildirib ki, 10 mindən artıq Azərbaycan vətəndaşı Bank Standart-dan pullarını almayıb. Onların 400 nəfəri 30 min dollara qədər əmanət yatırıb.
Azərbaycanın ən iri maliyyə müəssisələrindən biri olan Bank Standart 2016-cı ilin oktyabr ayında müflis elan edilib.—030D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz