Bakı/07.05.19/Turan: Mayın 7-də Bakı Ağır Cinayətlər Məhkəməsində İradə Həsənovanın sədrliyilə Müsavat Partiyasının fəalı Azad Həsənova qarşı cinayət işi üzrə növbəti iclas olub.
Dörd il Litvada mühacirətdə yaşayan A.Həsənov 2018-ci ilin oktyabrında Bakıya döndükdən sonra saxlanılıb. Bakıda onu CM-in 234.4.3-cü maddəsi (külli miqdarda narkotik maddənin qanunsuz dövriyyəsi) ilə ittiham ediblər.
Ötən iclasda vəkil Osman Kazımov Bakı Şəhər Baş Polis İdarəsinin əməkdaşı Fikrət Qasımovun şahid kimi dindirilməsini məhkəmədən xahiş etmişdi. Müdafiə tərəfinin fikrincə, F.Qasımov A.Həsənovun qohumları ilə əlaqə yaratmasına və saxlandığını bildirməsinə icazə verməyib. Bundan əlavə, vəkil DİN 102 xidmətinə və Baş Prokurorluğa sorğu göndərilməsini xahiş edib. Belə ki, A.Həsənovun qohumları həmin qurumların qaynar xətlərinə telefon edərək onun yerini öyrənməyə çalışıblar.
Məhkəmə vəsatəti təmin edib.
Vəkil O.Kazımov daha bir vəsatətlə məhkəməyə müraciət edib - A.Həsənovun həbs olunduğu gün şahid Böyükbəy Əlirbəyovun binaya daxil olub-olmadığını yoxlamaq üçün BŞBPİ-nin qeydiyyat kitabının məhkəməyə gətirilməsi barədə.
Məhkəmə məşvərət edərək BŞBPİ-yə sorğu göndərilməsini qərara alıb. Cavabda qeydiyyat kitabının həmin tarix üçün səhifəsinin fotosu olmalıdır.
Növbəti məhkəmə iclası mayın 27-nə təyin edilib.
Xatırladaq ki, hüquq müdafiəçiləri A.Həsənovu siyasi məhbus kimi tanıyıblar.-21С-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz