![Müsavat Partiyası Gənclər Təşkilatının rəhbəri Əbülfəz Sadıqbəyli həbs edilib](https://turan.az/resized/media/2018/main/112100014975-750-500-resize.webp)
Müsavat Partiyası Gənclər Təşkilatının rəhbəri Əbülfəz Sadıqbəyli həbs edilib
Bakı/21.11.18/Turan: Müsavat Partiyası Gənclər Təşkilatının rəhbəri Əbülfəz Sadıqbəyli noyabrın 21-də Bakıda saxlanılıb. Bu gün Səbayel Rayon Məhkəməsi onun barəsində həbs qətimkan tədbiri seçib. Fəala qarşı dələduzluq ittihamı irəli sürülüb. Bu barədə Turan-a Müsavat Partiyasının rəhbəri Arif Hacılı bildirib.
A.Hacılı hesab edir ki, Ə.Sadıqbəyli uydurma ittihamla həbs olunub. Onun məlumatına görə, Ə.Sadıqbəyli bir neçə il öncə "Nikoil Bank"dan aldığı və artıq ödənilmiş kreditlə bağlı cinayət işilə əlaqədar həbs edilib.
"Kreditin qaytarılmasına dair sənədlər var. Lakin bank sənədləri saxtalaşdırıb. Əvvəlcə Əbülfəz Sadıqbəyli iş üzrə şahid kimi dindirilib, ancaq biləndə ki, Müsavat Partiyası Gənclər Təşkilatının sədridir, istintaq ona qarşı yönəlib", - A.Hacılı bildirib.
O hesab edir ki, Ə.Sadıqbəyliyə qarşı cinayət işi onun siyasi fəaliyyətilə bağlıdır və Müsavat Partiyasının təqib olunması siyasətinin tərkib hissəsidir.
Partiya Ə.Sadıqbəylinin dərhal azad edilməsini və əsl günahkarların məsuliyyətə cəlb olunmasını tələb edib.-21С--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz