Bakı/09.01.19/Turan: Müsavat Partiyasının qərargah-mənzilində "Mehman Hüseynova və bütün siyasi məhbuslara azadlıq!" tələbi ilə aclıq aksiyası davam etdirilir.
Aksiya iştirakçısı, Müsavat Partiyasının idarə heyətinin üzvü Tofiq Yaqublunun Turan-a verdiyi məlumata görə, aksiyanın iki iştirakçısının - Fatimə Mövlanlı və Leyla Babayevanın səhhətində problemlər yaranıb. "Həyatları üçün risk var, belə ki, sifətləri avazıyıb və s. əlamətlər bunu göstərir. Odur ki, onları aksiyanı dayandırmağa razı sala bildik", deyə Yaqublu bildirib.
Onun sözlərinə görə, yanvarın 3-dən aclıq edən Tofiq Məmmədovun da ciddi problemləri var. "Artıq hiss edilir ki, aclıq orqanizmə ciddi təsir göstərir və buna görə də xahiş edəcəyik ki, aclığı dayandırsın", deyə Yaqublu sözünə davam edib.
Onun sözlərinə görə, aclığa qoşulmaq istəyənlər çoxdur. Amma yer məhdudiyyəti olduğuna görə onlara hələlik gözləmələri tövsiyə olunub.
Bu gün Yaqublu ilə yanaşı aksiyada daha altı nəfər - Elşad İsrafilov, Yaşar Ferazi, Fuad Rəhimli, Mübariz Fətullayev və Rövşən Niftalızadə iştirak edir.
Aksiya iştirakçılarının səhhəti tanış həkimlərin nəzarəti altındadır. Rəsmi orqanlar hələlik aclıq aksiyasına münasibət bildirməyib.
Aksiya hələ dekabrın 26-da yeni cinayət ittihamı sürülməsinə etiraz əlaməti olaraq aclıq aksiyasına başlayan bloger M.Hüseynovla həmrəylik əlaməti olaraq keçirilir. -05D06-
Cəmiyyət
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
-
Yanvarın 7-də Prezident İlham Əliyev dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması ilə bağlı sərəncam imzalayıb. Sərəncama əsasən, 2025-ci il yanvarın 1-dən etibarən Azərbaycan Milli Elmlər Akademiyasının Rəyasət Heyəti, Aparatı, Gəncə bölməsinin Aparatı və Heydər Əliyev Mərkəzi də daxil olmaqla, təxminən 20 qurumda rəhbər və digər işçilərin aylıq vəzifə maaşları orta hesabla 15% artırılacaq.
Rəy yaz