Açiq mənbələrdən foto.
Bakı/24.11.22/Turan: Müsəlman Birliyi Hərəkatının üzvü Şahin Qədirov saxlanılıb. Hərəkatın mətbuat xidmətindən Turan-a bildiriblər ki, Qədirov noyabrın 23-də axşam fəhlə işlədiyi müəssisədən çıxarkən saxlanılıb.
Onu üç nəfər mülki geyimli şəxs saxlayaraq “Toyota Camry” avtomobilinə mindirib və naməlum istiqamətə aparıb.
Hərəkatda Qədirovun saxlanmasının mümkün səbəblərini söyləməkdə çətinlik çəkiblər.
“Şahin Qədirov sakit təbiətli adamdır. Ailəsini dolandırmaq üçün günəmuzd işlərlə məşğul olur”, - mətbuat xidmətindən bildiriblər.
Qədirovun ailə üzvləri Daxili İşlər Nazirliyinin 102 Çağrı Mərkəzilə əlaqə saxlasalar da, onun taleyinə aydınlıq gətirmək mümkün olmayıb.
Hüquq-mühafizə orqanlarından şərh almaq mümkün olmayıb.
Hazırda təşkilatın rəhbəri Taleh Bağırzadə də daxil olmaqla, Hərəkatın 9 üzvü həbsxanadadır. 03D06
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz