![�Müsəlman Birliyi� Hərəkatının üzvünə qarşı yeni cinayət işi açılır?](https://turan.az/resized/750/500/resize/media/2019/main/011500016120.jpg)
�Müsəlman Birliyi� Hərəkatının üzvünə qarşı yeni cinayət işi açılır?
Bakı/15.01.19/Turan: "Müsəlman Birliyi" Hərəkatının sədr müavini, Qobustan həbsxanasında saxlanılan Abbas Hüseynov 1 saylı Bakı İstintaq Təcridxanasına köçürülüb.
Hərəkatın digər üzvü Cabbar Cabbarov isə naməlum yerə köçürülüb. Bu barədə onun ailə üzvləri məlumat veriblər.
Abbasın anası Rəhimə Hüseynova bildirib ki, oğlunun təcridxanaya köçürülməsinin səbəbləri barədə ona məlumat verilməyib. Bu barədə ancaq üçüncü gün təcridxanaya görüşə gedərkən xəbər tutub.
Ona deyiblər ki, oğlu karantindədir, ancaq Qobustan həbsxanasından təcridxanaya köçürülməsinin səbəblərini açıqlamayıblar.
Ana oğlunun işgəncələrə məruz qalacağından ehtiyat edir. O, oğluna baş çəkməsi xahişilə Qırmızı Xaç Komitəsinə müraciət edib.
Hüquqşünasların sözlərinə görə, məhkum təcridxanaya o halda köçürülür ki, onun işinə məhkəmədə baxılır və ya ona qarşı yeni cinayət işi açılır.
Penitensiar Xidmətdə A.Hüseynovun təcridxanaya köçürülməsinin səbəblərilə bağlı məlumatı Turan agentliyinə şərh etməyiblər.
Hüquq müdafiəçisi Oqtay Gülalıyev hesab edir ki, Qobustan həbsxanasında "Müsəlman Birliyi" Hərəkatının fəalları Taleh Bağırzadə, Abbas Hüseynov və Cabbar Cabbarov ağır işgəncələrə məruz qalıblar. Bu səbəbdən T.Bağırzadə özünə bədən xəsarəti yetirib. C.Cabbarov dəfələrlə döyülüb. A.Hüseynovu isə orta əsrlərdəki kimi incidirlər, O.Gülalıyev Facebook səhifəsində yazıb.
Taleh Bağırzadə, Abbas Hüseynov və Cabbar Cabbarov 2015-ci ilin noyabrında Nardaranda keçirilmiş xüsusi əməliyyat zamanı həbs olunublar və ölkədə dini qaydaların yaradılması və hakimiyyətin ələ keçirilməsi ittihamları ilə uzun müddətə azadlıqdan məhrum ediliblər.-06D--
-
- Cəmiyyət
- 15 Yanvar 2019 17:10
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz