Xalid Bağırov
Bakı/15.06.21/Turan: Avropa İnsan Hüquqları Məhkəməsinə (“AİHM”) fərdi şikayətlər göndərmək üzrə ixtisaslaşmış hüquqşünaslar Xalid Bağırov və Səməd Rəhimli Avropa Məhkəməsi ilə İş Liqası (AMİL) təsis ediblər. Bu barədə Turan-a Xalid Bağırov bildirib.
Məqsəd Avropa İnsan Hüquqları Məhkəməsinə strateji fərdi şikayətlərin göndərilməsi fəaliyyətinin optimallaşdırılmasıdır. Bundan başqa, aztəminatlı əhalinin qarşılaşdıqları hüquqi problemlərin beynəlxalq hüquqi instansiya qismində Avropa Məhkəməsi qarşısında qaldırılması perspektivlərinin nəzərdən keçirilməsi məqsədi qarşıya qoyulub.
Qurum mahiyyətcə sosial sahibkarlıq işi ilə məşğul olacaq və müxtəlif şəxslərdən onların hüquqi işlərinin Avropa İnsan Hüquqları Məhkəməsinə göndərilməsi məsələləri üzrə müraciətləri qəbul edəcək.
Bu məqsədlə qurum müvafiq əməkdaşı vasitəsilə müraciətçiyə bu istiqamətdə hüquqi məsləhətlər verəcək. Əgər müraciətçinin işinin AİHM-ə göndərilməsi perspektivi olarsa, qurumun müvafiq əməkdaşı tərəfindən həmin işin hazırlanması istiqamətində addımlar atılacaq.
Bundan əlavə, Liqa Avropa Məhkəməsinin qərarlarının icrası edilməsi məsələsində Avropa Şurası Nazirlər Komitəsi qarşısında başlanılan icra prosesində də təqdimatlar verməyi planlaşdırır.
Liqa qarşısına qoyduğu məqsədlərə çatmaq məqsədilə müvafiq zəminlərdə fərqli hüquqşünaslarla əməkdaşlıq etmək niyyətindədir.
Liqa ilə əlaqə saxlanılması məqsədilə məsul şəxs hazırda Xalid Bağırovdur.
Liqa hüquqi şəxs statusu əldə etmədən informal təşkilat kimi fəaliyyət göstərəcək. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz