Açiq mənbələrdən foto.
Bakı/24.11.22/Turan: Bu gün Biləsuvar Rayon Məhkəməsi müxalifətçi Ziya İbrahimova qarşı cinayət işinə xitam verib. O, borcun ödənilməsilə bağlı məhkəmə qərarını yerinə yetirməməkdə ittiham olunurdu.
Vəkil Elçin Sadıqov Turan-a bildirib ki, müttəhim iki icra vərəqəsinə görə 9 min və 3,5 min manat ödəyib və məhkəmə cinayət işinə xitam verib. İbrahimov məhkəmə zalında sərbəst buraxılıb.
İbrahimovun sözlərinə görə, saxlanıldığı müddətdə ona təzyiq olmayıb və səhhətindən şikayəti yoxdur.
*İbrahimov bu il mayın 19-da Almaniyadan deportasiya edilib. O, hava limanında saxlanılıb və 30 sutka həbs edilib. Azadlığa çıxandan sonra məhkəmə qərarını icra etmədiyi üçün barəsində cinayət işi açılıb.
Hüquq müdafiəçiləri bildiriblər ki, söhbət keçmiş xanımı ilə əmlak mübahisəsi üzrə borcun ödənilməməsindən gedir. Siyasi mühacirətdə olduğundan borcu ödəmək üçün pul göndərib, ancaq vəsait qəbzsiz köçürülüb.
**İbrahimov Biləsuvar rayonunda Azərbaycan Xalq Cəbhəsi Partiyasının funksioneri olub. 2018-ci il prezident seçkilərindəki fəallığına görə təqiblərə məruz qalıb. Bundan sonra məcburən Almaniyaya mühacirət edib.
Ziya İbrahimov Almaniyadan deportasiya edilən və ötən ilin payızından həbs olunan altı fəaldan biri olub. Ondan öncə Mütəllim Orucov, Malik Rzayev, Cəfər Mirzəyev, Pünhan Kərimli və Samir Aşurov həbs ediliblər. Sonradan Azərbaycana özü gələn Anar Əliyev də həbs edilib. -03B06-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz