Mehdi İbrahimov
Bakı/10.02.21/Turan: Bu gün Xətai Rayon Məhkəməsində Azərbaycan Xalq Cəbhəsi Partiyası (AXCP) Rəyasət Heyətinin üzvü Məmməd İbrahimin oğlu Mehdi İbrahimova hökm oxunub.
Məhkəmə onu CM-in 139-1.1-ci (epidemioloji, sanitariya-gigiyena və karantin rejimlərinin pozulması) maddəsi ilə təqsirli bilib və onu şərti olaraq 1 il, 3 ay müddətinə azadlıqdan məhrum edib.
M.İbrahimov hökmlə razı deyil və şikayət etmək niyyətindədir.
Cinayət işinin materiallarında bildirilir ki, Mehdi İbrahimov 20 iyul 2020-ci il tarixində saat 21:00-a yaxın karantin rejimi qaydalarının pozulmasına görə saxlanılıb.
O, polis şöbəsinə aparılıb və test zamanı onda COVİD-19 aşkar edilib.
M.İbrahimovun sözlərinə görə, o, iyulun 15-nə keçən gecə orduya dəstək nümayişindən qayıdarkən saxlanılıb.
Bir gün sonra polisdə biliblər ki, o, Məmməd İbrahimin oğludur. Ancaq gənci buraxmayıblar. 4 gün sonra ona qarşı cinayət ittihamı irəli sürülüb və həbs edilib.
Avqustun 19-da həbs qətimkan tədbiri ev dustaqlığı ilə əvəz edilib.
M.İbrahimovun ardınca atası Məmməd İbrahim də həbs olunub. O, iyulun 14-15-də orduya dəstək aksiyası ilə əlaqədar cinayət işinə cəlb edilib.
Noyabrın 17-də Məmməd İbrahim həbsdən azad edilib, lakin bu cinayət işi üzrə məhkəmə hələ başlamayıb.–05B06-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz