Афган Мухтарлы
Fasilədən sonra şahid ifadələrinin dinlənilməsi davam edib.
Onların bəziləri məhkəməyə gəlməyib. Buna görə onların ifadələri 28 dekabr saat 10.30-a təyin edilmiş növbəti iclasa qədər təxirə salınıb. -0-
* * *
2017 Dekabr 14 (Cümə axşamı) 17:00:28
Əfqan Muxtarlının işi üzrə prosesdə
Bakı/14.12.17/Turan: Bu gün Balakən Rayon Məhkəməsində jurnalist Əfqan Muxtarlının işi üzrə məhkəmə istintaqı başlayıb.
Xatırladaq ki, Gürcüstanda oturma izni alan jurnalist Ə.Muxtarlı mayın 29-da Tbilisinin mərkəzində oğurlanaraq Azərbaycana gətirilib. Onun sözlərinə görə, bunu Gürcüstanın kriminal polis işçiləri Azərbaycanın hüquq-mühafizə orqanları ilə birgə ediblər.
Sərhəddən keçərkən onun cibinə 10 min avro qoyublar və qaçaqmalçılıqda ittiham ediblər.
Ertəsi gün Ə.Muxtarlı Bakıya gətirilib. Məhkəmə onu CM-in üç maddəsi ilə ittiham edərək həbs edib: 315 (hakimiyyət nümayəndəsinə müqavimət göstərmək), 318.1 (sərhəddi qanunsuz keçmək) və 206.1 (qaçaqmalçılıq).
Vəkil Nemət Kərimli Turan-a bildirib ki, məhkəmə iclasında ittiham aktı elan olunub. Ə.Muxtarlı ittihamı rədd edərək bildirib Tbilisidən oğurlanaraq gizli şəkildə sərhəddən keçirilib və Azərbaycanın hüquq-mühafizə orqanlarına təhvil verilib.
Sonra şahidlərin - güc qurumları əməkdaşlarının ifadələri dinlənilib.
Vəkilin sözlərinə görə, müdafiə tərəfi bildirib ki, şahidlərin bir-birinin ifadələrini dinləmək imkanları var. Ən azı, iki şahid sərhəd idarəsi nümayəndəsini dinləyib.
Müdafiə tərəfinin tələbilə şahidlərdən biri siyahıdan çıxarılıb.
Proses davam edir. Vətəndaş cəmiyyətinin və ABŞ səfirliyinin nümayəndələri prosesi izləyirlər.
Ə.Muxtarlı yerli və beynəlxalq hüquq müdafiəçiləri tərəfindən siyasi məhbus kimi tanınıb. Onun həmkarları əmindir ki, jurnalist Azərbaycan hakimiyyətinin ali eşelonlarında korrupsiya haqqında tənqidi yazılarına görə təqib olunur.-03B06-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz