Açiq mənbələrdən foto.
Bakı/12.06.20/Turan: Polis əməkdaşları Masallı rayon sakini Elməddin Əzizovdan 30 kq-dan çox narkotik maddə götürüb.
DİN-in mətbuat xidmətinin məlumatına görə, daxil olmuş əməliyyat məlumatı əsasında həyata keçirilmiş tədbir nəticəsində Əzizovun üzərində 12 qrama yaxın narkotik vasitə aşkar olunaraq götürülüb.
Xətai rayonunda onun kirayədə qaldığı evə baxış zamanı əlavə 24 kiloqram 885 qram heroin, 1 kiloqram 870 qram tiryək, 3 kiloqram 275 qram psixotrop maddə olan metamfetamin və 1 ədəd elektron tərəzi aşkar olunub.
Əzizovun verdiyi ifadəyə əsasən, o, iyunun 2-də narkotik maddəni Masallı rayonunda İran vətəndaşından əldə edib və onları Bakıya gətirib. O, narkotik vasitələri İran vətəndaşının deyəcəyi adamlara satandan sonra pulun bir hissəsini geri göndərməli imiş.
Daha bir əməliyyat zamanı daha iki Azərbaycan vətəndaşı saxlanılıb, onların üzərindən 3 kq-dan çox heroin müsadirə edilib. -02D-
Cəmiyyət
-
Azərbaycana İrandan gətirilən bəzi şirniyyatlarda GMO (genetik materialı dəyişdirilmiş orqanizmlərə verilən addır) aşkarlanıb. "Qida təhlükəsizliyi haqqında" Qanuna görə, qeydiyyatdan keçməyən genetik modifikasiya olunmuş yem məhsullarının istehsalı, emalı, dövriyyəsi qadağandır. Qeydiyyata alınması üçün həmin məhsullar həyat və sağlamlığa zərərli olmamalı, istehlak xüsusiyyətləri ilə bağlı istifadəçilər aldadılmamalıdırlar.
-
Ölkədə qış mövsümündə havaların soyuq keçməsi ilə əlaqədar mövsümi xarakter daşıyan respirator virus infeksiyalarına yoluxma hallarının artması müşahidə olunur. Bununla əlaqədar adaptasiya dövründə olan gənc əsgərlərin sağlamlığının qorunması məqsədilə hərbi hissələrdə onlarla görüşə müvəqqəti məhdudiyyət qoyulub. Bu barədə Müdafiə Nazirliyi məlumat yayıb.
-
Yanvarın 17-də Bakıda hava tutqun olacaq, səhər və axşam yağıntı gözlənilir. Şimal-qərb küləyi cənub-şərq küləyinə keçəcək.
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
Rəy yaz