Naxçıvanda taksi sürücüləri Ali Məclisinin qarşısında etiraz aksiyasını keçiriblər.
Bakı/28.12.22/Turan: Naxçıvanda taksi sürücüləri Ali Məclisinin qarşısında etiraz aksiyasını keçiriblər.
Turana bu barədə məlumat verən aksiya iştirakçılarından biri bildirib ki, aksiyada onlarla sürücü iştirak edib. "Naxçıvanda istənilən adam taksi sürücüsü işləyə bilməzdi. Vasif Talıbov dövründə taksilər yalnız "NAZ Lifan" markalı avtomobil olmalı idi. Başqa maşınlara taksi işləməyə icazə verməmişdilər. Etiraz edən kimi maşınları cərimə meydançasına aparırdılar, lisenziyamızı isə ləğv edirdilər. Biz də acından ölməmək üçün məcbur olub razılaşırdıq. Bu 20 minlik maşınları bizə 35 min manata satırdılar".
Etirazçılar yeni rəhbərlikdən onların müracətinə baxmağa xahiş etdiklərini bildiriblər.
Aksiya insidentsiz başa çatdığı bildirilir. --0--
Cəmiyyət
-
Azər Qasımlı 20 gündür İstintaq Təcridxanasında saxlanılır, lakin onunla heç bir istintaq hərəkəti aparılmayıb. Heç kim onunla görüşməyib. Yalnız saxlanıldığı ilk gün Yasamal Rayon Polis İdarəsində və məhkəmə günü Azər Qasımlı ilə ittihamçı arasında üzləşmə keçirilib. İttihamçı başına papaq geyinərək gözlərini gizlədib və Azərdən üz döndərib, - deyə Turan-a Azərin həyat yoldaşı Samirə Qasımlı bildirib.
-
Dekabrın 29-da hava yağışlı olacaq, lakin bayram günlərində (31 dekabr-3 yanvar) Bakıda hava mülayim olacaq.
-
Bakıda dekabrın 25-də AZAL-ın təyyarəsinin qəzaya uğraması nəticəsində həlak olan şəxslərin dəfn mərasimi keçirilir.
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
Rəy yaz