Açiq mənbələrdən foto.
Bakı/08.10.21/Turan: Oktyabrın 8-də Ağır Cinayətlər Məhkəməsinin hakimi Siyavuş Hacıyev Xalq Cəbhəsi Partiyasının üzvü Niyaməddin Əhmədovun 13 il müddətinə azadlıqdan məhrum edilməsi barədə hökm çıxarıb. O, "terrorizmin maliyyələşdirilməsi"ndə təqsirli bilinib.
Əhmədov son sözündə bütün ittihamları rədd edib, onları əsassız adlandırıb. Müttəhimin doğmaları və yaxınları, eləcə də Azərbaycan Xalq Cəbhəsi Partiyasının üzvləri zala buraxılmayıblar.Məhkəmə binasının qarşısında olan Azərbaycan Xalq Cəbhəsi Partiyasının lideri Əli Kərimli jurnalistlərə deyib ki, partiyanın günahsız üzvülə haqq-hesab çəkilməsini pisləyir. O əmin olduğunu bildirib ki, Əhmədov azadlığa buraxılacaq və 13 il barmaqlıqlar arxasında qalmayacaq.
"Hakimiyyət bu cür repressiyalarla cəmiyyətin diqqətini öz cinayətlərindən yayındırmaq istəyir. Hakim ailənin xarici ölkədə qanunsuz olaraq satın aldığı 700 milyon dollar məbləğində mülkiyyət barədə məlumatlar buna son sübutdur", - Kərimli deyib.
Bundan öncə xəbər verildiyi kimi, polis hələ hökm çıxarılmazdan əvvəl altı fəalı saxlayıb. Onları şəhər kənarına aparıblar. Qalanları məhkəmə binasından uzaqlaşdırılıb.
Xatırladaq ki, Niyaməddin Əhmədov Azərbaycan Xalq Cəbhəsi Partiyasının lideri Əli Kərimlinin mühafizəçisidir. Bu il aprelin 16-da karantin rejimini pozmaqda və polisə müqavimət göstərməkdə ittiham olunaraq 30 sutka həbs edilib. Sonradan ona qarşı terrorizmin maliyyələşdirilməsi kimi absurd ittiham irəli sürülüb. Səbəb olaraq xaricdən pul alması göstərilib.
Həbsdə olan Əhmədov ondan partiya liderinə qarşı ifadə almaq üçün işgəncələrə məruz qalıb. Buna nail olmayan müstəntiqlər həbsdən 8 ay sonra ona ailə üzvləri ilə telefonla danışmağa imkan verməyiblər.
Hüquq müdafiəçiləri Niyaməddin Əhmədovu siyasi məhbus kimi tanıyıblar.
Müdafiə tərəfi birinci instansiya məhkəməsinin qərarından apellyasiya verəcək. -02D-
* * *
2021 Oktyab 08 (Cümə) 12:46:38
Azərbaycan Xalq Cəbhəsi Partiyasının fəalları məhkəmə binasının qarşısında saxlanılıblar
Bakı/08.10.21/Turan: Oktyabrın 8-də səhər Ağır Cinayətlər Məhkəməsinin binası qarşısında polis Xalq Cəbhəsi Partiyasının bir neçə üzvünü səbəbsiz yerə saxlayıb. Turan-ın müxbirinin hadisə yerindən verdiyi məlumata görə, partiyanın altı üzvü, arasında qadınlar da var, zorla avtomobilə mindirilərək naməlum istiqamətə aparılıb.
Məhkəmə binasının qarşısında polis dəstələri düzülüb. Bu tədbirlər onunla bağlıdır ki, bu gün Azərbaycan Xalq Cəbhəsi Partiyasının fəalı Niyaməddin Əhmədova hökm oxunacaq. Prokuror terrorizmin maliyyələşdirilməsi kimi saxta ittihamla onun 15 il azadlıqdan məhrum edilməsini istəyir.
Proses açıq olsa da, polis zala heç kimi buraxmayıb.
Xatırladaq ki, Niyaməddin Əhmədov partiya lideri Əli Kərimlinin mühafizəçisidir.-02D-
Cəmiyyət
-
Lider mobil operator “OPPO” və “Honor” cihazlarını əldə edən müştərilərə 3 ay boyunca 5 GB internet hədiyyə edir Azercell Yeni il ərəfəsində abunəçiləri üçün xüsusi kampaniya elan edir. Lider mobil operator “OPPO” və “Honor” cihazları əldə edən fakturasız xətt abunəçilərinə 3 ay boyunca 5 GB internet hədiyyə edir.
-
Bugünlərdə deputat Qüdrət Həsənquliyev parlamentdə prezidentə yalnız məhkumları deyil, istintaq altında olan şəxsləri də əfv etmək səlahiyyətinin verilməsi ilə bağlı təşəbbüs qaldırıb.
-
Tarixçi Cəmil Həsənlinin son Facebook paylaşımı Azərbaycanın pensiya sistemi və əmək bazarı ilə bağlı müzakirələri yenidən alovlandırıb, sosial təminat və məşğulluq siyasətlərindəki ciddi çatışmazlıqları üzə çıxarıb. Kəskin tənqid, Əmək və Əhalinin Sosial Müdafiəsi Naziri Sahil Babayevin parlament iclasında “heç vaxt işləməmiş və sosial sığortaya töhfə verməmiş şəxslərin pensiya hüququ olmamalıdır” bəyanatından sonra gəldi. Bu açıqlama, məşğulluq boşluqları və məhdud sosial təminat şəbəkələrinin bərabərsizliyi artırdığı Azərbaycanın əmək və pensiya sistemindəki köklü struktur problemlərinə diqqəti cəlb edib.
-
Azərbaycanda bir qrup tiktoker inzibati qaydada həbs olunub. DİN-in mətbuat xidmətinin məlumatına görə, saxlanılan şəxslər "sosial şəbəkələrdə cəmiyyətə qarşı hörmətsizlik, mənəvi dəyərlərə uyğun olmayan qeyri-etik paylaşımlar və çağırışlar" edirdilər.
Rəy yaz