Niyaməddin Əhmədov
Bakı/24.03.22/Turan: Həbsdə olan Azərbaycan Xalq Cəbhəsi Partiyasının üzvü Niyaməddin Əhmədov cərimə otağına salındıqdan sonra aclıq elan edib. Bu barədə Turan-a AXCP-dən məlumat verilib.
Əhmədov təzəlikcə, Apellyasiya Məhkəməsi onun barəsində hökm çıxardıqdan sonra 12 saylı cəzaçəkmə müəssisəsinə köçürülüb. Partiyadan verilən məlumata görə, o, burada ayrı-seçkiliyə məruz qalır.
"Cəzaçəkmə müəssisəsində yemək çox keyfiyyətsizdir, həm də vaxtlı-vaxtında verilmir. Bir çox məhbuslar evdən gətirilən ərzaqla elektrik plitəsində yemək hazırlayırlar. Əhmədov ərzaq saxlamaq üçün soyuducu və yemək bişirmək üçün elektrikli plitə istədikdə isə ondan bunun üçün böyük miqdarda pul tələb ediblər. Buna etiraz əlaməti olaraq Əhmədov martın 23-də aclıq elan edib və bu barədə ərizə yazıb. Bundan dərhal sonra o, cərimə otağına salınıb", deyə AXCP-dən bildiriblər.
Penitensiar Xidmətdən şərh almaq mümkün olmayıb
Əhmədov AXCP üzvü olarkən eyni zamanda ictimai əsaslarla partiya sədri Əli Kərimlinin mühafizəçisi olub.
O, 2020-ci il aprelin 16-da karantin rejimini pozmaq və polisə müqavimət ittihamı ilə saxlanılıb və 30 gün müddətinə həbs edilib.
Sonradan ona qarşı terrorçuluğu maliyyələşdirmə ittihamı irəli sürülüb, səbəb kimi xaricdən pul alması göstərilib.
Əhmədov həbsdə olarkən partiya liderinə qarşı ifadə verməsi məqsədilə işgəncələrə məruz qoyulub. Amma o, belə bir ifadə verməyib.
2021-ci il oktyabrın 8-də məhkəmə onu 13 il müddətinə azadlıqdan məhrum edib. Martın 2-də Bakı Apellyasiya Məhkəməsi hökmü qüvvədə saxlayıb.
Hüquq müdafiəçiləri Əhmədovu siyasi məhbus kimi tanıyıblar. -16B06-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz