![Açiq mənbələrdən foto.](https://turan.az/resized/media/2022/main/032400042221-750-500-resize.webp)
Açiq mənbələrdən foto.
Karantin rejimi məhdudiyyətləri tamamilə ləğv edilə bilər?
Bakı/24.03.22/Turan: Azərbaycanda son günlərdə koronavirusa yoluxma sayı kəskin azalıb. Dünən, martın 23-də koronavirus infeksiyasına 38 yeni yoluxma faktı qeydə alınıb, respublika üzrə aktiv xəstə sayı isə 670 nəfərdir.
Avropa və bəzi qonşu ölkələr artıq koronavirusla bağlı karantin məhdudiyyətləri tam götürüb.
Bəs Azərbaycanda necə, karantin qaydaların ləğvi mümkündürmü?
Milli Məclisin deputatı Fazil Mustafa Turan-a bildirib ki, müəyyən sahələrdə ümumi şəkildə karantin qaydalarının qorunub saxlanmasına ehtiyac var. "Bizdə ümumiyyətlə əməl edib-etməmə məsələsi bir problemdir. Çünki insanlar arxayın düşsələr, bu, xəstəliyin daha kəskin şəkildə yayılmasına səbəb ola bilər".
Amma, onun fikrincə, elə məsələlər var ki, orada artıq addım atmaq lazımdır. "Bizdə quru sərhədləri bağlayıblar, Azərbaycan vətəndaşı öz ölkəsinə qayıda bilmir. Bu, hansı məntiqə sığır? Yəni, o şeylər ki, vətəndaşa əziyyət verir, onu aradan qaldırmaq lazımdır, hansı ki, qoruyur – onu tədbiq etmək lazımdır".
Deputat qeyd edib ki, hər şey vətəndaşın sağlamlığı və onun rahatlığı prinsipi ilə həll olunmalıdır. "Bizdə isə karantin və digər məsələlər "vətəndaşa necə əziyyət verək, necə cərimə yığaq" prinsipi üzərindədir. Bu məsələyə bir baxış olmalıdır".
O hesab edir ki, karantin məsələsinə yenidən baxmaq lazımdır. "Görək, burada vətəndaşa əziyyət vermək üçün hansı məhdudiyyətlər var, onları qaldırmaq lazımdır. Buna gedilməsə, onda pandemiyadan istifadə edərək vətəndaşa daha böyük zərbə vurmaq fikrini gerçəkləşdirmək kimi başa düşüləcək".
Tibb üzrə fəlsəfə doktoru Vasif İsmayıl isə bildirib ki, bundan əvvəlki Omikron dalğası 5-6 ay müddəti üçün ümumi immunizasiyasının yaranmasına xidmət edir. "Ona görə də mayın axırına qədər karantin məhdudiyyətlərin tam aradan qaldırılması haqqında danışmaq tezdir. May ayının axırında məlum olacaq ki, karantin qaydalarını yumşaltmaq olar, yoxsa yox. Tibbi cəhətdən koronavirus pandemiyasının bitdiyini və ya çox zəiflənməsini demək üçün çox tezdir". -0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz