Bakı/17.12.19/Turan: Hüquq müdafiəçisi Oqtay Gülalıyevin səhhətində müsbət dinamika davam edir. Bu barədə fəalın həyat yoldaşı Firuzə Gülalıyeva bildirib.
"Artıq infeksiyalar azalıb, antibiotiklər vurulmur. Böyrəklərində kreatinin həcmi də azalır, artıq 3-4 gündür ki, qızdırması olmur. Hər gün qan analizləri aparılır, hər hansı çatımazlıq olarsa onun qarşısı alınır. Qanında hansısa elelmentlərin çatışmazlığı müyyən edildikdə qarşısnı almaq üçün müalicə aparılır", deyə F.Gülalıyeva bildirib.
Fəal, hələ ki, komadadır.
Xatırladaq ki, məşhur hüquq müdafiəçisini oktyabrın 29-da Bakının mərkəzində avtomobil vurub. O, ağır kəllə-beyin travması alıb, nəticədə beyninə qan sızıb. Bir neçə saat sonra o, komaya düşüb. Oktyabrın 30-da Bakıda o, neyrocərrahi əməliyyat olunub.
Noyabrın 5-də Heydər Əliyev Fondunun dəvəti ilə gələn türk mütəxəssislər onun müalicə üçün Türkiyəyə aparılmasını tövsiyə ediblər. Noyabrın 6-da o, AZAL şirkətinin xüsusi reysi ilə İstanbula göndərilib və "Avrasiya" klinikasına yerləşdirilib. Noyabrın 19-da o, "Amerika Xəstəxanası"na köçürülüb, növbəti gün burada yenidən beynindən mayenin çəkilməsi üzrə neyrocərrahi əməliyyat olunub.
Gülalıyevin müalicəsi ilə bağlı bütün xərcləri Azərbaycanın birinci vitse-prezidentinin tapşırığı ilə Heydər Əliyev Fondu öz üzərinə götürüb. -05B06-
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz