Bakı/28.03.18/Turan: On aydır ki, Bakıdakı Bayraq Meydanında nəinki bayraq, heç onun dirəyi də yoxdur. 2017-ci ilin yayında bayrağın dirəyi söküləndə Dənizkənarı Bulvarın Xarici Əlaqələr İdarəsinin şöbə rəisi Nazim Məcidov bildirmişdi ki, bayraq və dirək bu konstruksiyanın yoxlanması üçün götürülüb. Ancaq o vaxtdan dirəyin bərpası ilə bağlı məlumat yoxdur.
N.Məcidov Turan-a bildirib ki, bayrağın nə zaman yerinə qaytarılacağını bilmir. "Dirək yerli mütəxəssislər tərəfindən yoxlanılır, işə xarici ekspertlər cəlb edilməyib. Təftişin nə zaman başa çatacağı məlum deyil. Komissiyanın rəyi hazır olmayana qədər dirəyin hansı hündürlükdə olacağı məlum deyil", - o bildirib.
"2007-ci ildən, tikinti anından ilk dəfədir ki, dirəyin mürəkkəb konstruksiyasının tam təftişi aparılır", - N.Məcidov qeyd edib. O deyib ki, dirəyin bu il yerinə qoyulub-qoyulmayacağı hələ məlum deyil.
Bayraq dirəyini dünyada bu cür tikinti ilə tanınan Trident Tech şirkəti inşa edib. Azərbaycanda ən böyük bayraq 2010-cu il sentyabrın 1-də qoyulub. Dirəyin hündürlüyü 162 metr, özülün diametri 3,2 metr, yuxarı hissəsinin diametri 1,09 metrdir. Uzunluğu 70 metr, çəkisi 300 kilqorama yaxındır.-0-
Cəmiyyət
-
Milli Hidrometeorologiya Mərkəzinin sinoptikləri ardıcıl olaraq üç gündür paytaxtda və Abşeronda yağış yağacağını vəd edirlər, lakin bu yağış hələ də yağmır. Noyabrın 29-na da intensiv yağış proqnozlaşdırılıb.
-
Azərbaycanın Nazirlər Kabineti Yeni İldə iş və istirahət günlərinin yerinin dəyişdirilməsi haqqında qərar qəbul edib.
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
Rəy yaz