Dəniz sahilini bölən hasar
Bakı/23.08.22/Turan: Azərbaycan Respublikasının Ombudsman Aparatının rəhbəri Aydın Səfixanlı İqtisadiyyat və Ekologiya nazirliklərinə Azərbaycan Respublikasının İnsan Hüquqları üzrə Müvəkkili (Ombudsman) haqqında Konstitusiya Qanununun 1.3-1.1 maddənin tələblərinə uyğun olaraq “Turan” Agentliyinin informasiya sorğularına cavabların 10 gün müddətində Ombudsmana təqdim edilməsi xahişi ilə məktublar göndərib.
“İnformasiya əldə etmək haqqında” qanuna uyğun olaraq, 24 iyun 2020-ci il tarixində “Turan” İA-nın direktoru Mehman Əliyev Xəzər sahilinin qanunsuz zəbt edilməsilə bağlı İqtisadiyyat Nazirliyinə və Ekologiya və Təbii Sərvətlər Nazirliyinə (ETSN) informasiya sorğusu göndərib. Lakin müəyyən edilmiş 7 gün çox olmayan müddət ərzində heç bir cavab verilməyib.
Ombudsmana avqustun 16-da müraciət edilib, onun aparatı avqustun 17-də dərhal nazirliklərdən cavab istəyib.
Bu gün, avqustun 23-də Təbii Sərvətlər Nazirliyindən Turan-a bildiriblər ki, daha əvvəl agentliyə cavab göndəriblər, lakin texniki səbəblərə görə cavab çatmayıb. Bu gün göndərilən faksimil cavab məktubu 20 iyul tarixlidir, yəni üç həftə gecikmə ilə cavab verilsə də, görünür, Rabitə Nazirliyinin günahı ucbatından agentliyə çatmayıb.
Ekologiya və Təbii Sərvətlər Nazirliyinin sorğuya cavabında deyilir ki, nazirlkik tərəfindən Xəzər dənizinin Azərbaycana mənsub hissəsində və onun sahil boyu ərazilərində ekoloji vəziyyət öyrənilir, tullantıların mövcud qanunvericiliyin tərəlblərinə uyğun idarə olunması üçün monitorinqlər keçirilir.
Keçirilən monitorinqlər zamanı qeydə alınan ekoloji pozuntu halları barədə nazirliyin aidiyyatı qurumları, eləcə də digər mərkəzi və yerli icra hakimiyyəti orqanları məlumatlandırılıb.
Sorğuya cavabda vurğulanır ki, 2021-ci ildə və 2022-ci ilin 6 ayı ərzində keçirilən monitorinqlər zamanı qeyd olunan obyektlərdən dənizə çikab suların axıdılması ilə bağlı 321 akt və 82 inzibati protokol tərtib olunub və maliyyə cərimələri edilib.
Nazirlik sorğunun bəzi suallarının qurumun səlahiyyəti daxilində olmadığı üçün aidiyyatı qurumlara müraciət olunmasını məqsədəyuğun sayır. -0-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz