Ombudsman nümayəndələri Mehman Hüseynova baş çəkiblər
Bakı/07.01.19/Turan: Bazar ertəsi ombudsman nümayəndələri 13 gündür aclıq edən bloger Mehman Hüseynova baş çəkiblər.
Ombudsmanın mətbuat xidmətinin məlumatına görə, qurumun nümayəndələri Bakı İstintaq Təcridxanasında M. Hüseynovla konfidensial qaydada görüşüblər.
"Onun müraciəti dinlənilib, həkim iştirakı ilə səhhəti və qida qəbul etməsilə bağlı vəziyyəti yoxlanılıb", - məlumatda deyilir.
Ombudsman nümayəndələri bildirirlər ki, Mehman Hüseynov yemək yeyir, sovqat alır, gündəlik həkim nəzarətindədir və sağlamlıq durumu normaldır.
Lakin bu məlumat blogerin yaxınlarının söylədiklərinə ziddir. Onların sözlərinə görə, bloger aclığı davam etdirir.
Bazar ertəsi günün birinci yarısında vəkil Şəhla Hümbətova Mehmana baş çəkməlidir. Lakin saat 14:00-a yaxın onunla əlaqə saxlamaq və ombudsman aparatının məlumatını yoxlamaq mümkün olmayıb.-16D-
-
- Cəmiyyət
- 7 Yanvar 2019 14:07
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz