Açiq mənbələrdən foto.
Баку/14.08.20/Turan: Ombudsman yanında Milli Preventiv Qrupun üzvləri xəbərdarlıq etmədən Bakı İstintaq Təcridxanasında və İxtisaslaşdırılmış Müalicə Müəssisəsinə baş çəkiblər.
Ombudsman Aparatının məlumatında deyilir ki, onlar bir çox müttəhimlərlə - Fuad Qəhrəmanlı, Məmməd İbrahim, Asif Yusifli, Bəxtiyar İmanov, Ayaz Məhərrəmov, Telman Seyfullayev, Seymur Əhmədov, İsmayıl Həsənov, Ceyhun Novruzov, Məhəbbət Nağıyev və Fərid Abadovla (Abadovdan başqa digərlərinin hamısı AXCP üzvləridir) görüşüblər.
İxtisaslaşdırılmış Müalicə Müəssisəsində (“Tubzon”) ombudsmanın nümayəndələri Mehdi İbrahimov (hakim Yeni Azərbaycan Partiyasının üzvü), Nicat İbrahim, Nicat Əlizadə, Vüqar Vəliyev (ictimai fəallar) və Məhəmməd İmanlı (AXCP üzvü) ilə görüşüblər.
Müttəhimlərin hər biri ilə görüş məxfi xarakter daşıyıb. Həbs olunanlar rəftar və saxlanma şəraitindən şikayətlənməyiblər. Onların istintaqla bağlı qaldırdıqları məsələlərlə dair hüquqi məsləhətlər verilib.
Yalnız Mehdi İbrahimov istintaqın gedişindən narazılığını bildirərək qida qəbulundan imtina edəcəyini deyib. O həmçinin sağlamlıq vəziyyətindən şikayət edib.
Müttəhimlər həkimlərin nəzarəti altındadır və psixoloji məsləhət alırlar. Ombudsmanın adına ərizələr qəbul edilib. Bəzi məsələlər yerində həll olunub, məlumatda bildirilir.-16D-
Cəmiyyət
-
Dekabrın 29-da hava yağışlı olacaq, lakin bayram günlərində (31 dekabr-3 yanvar) Bakıda hava mülayim olacaq.
-
Bakıda dekabrın 25-də AZAL-ın təyyarəsinin qəzaya uğraması nəticəsində həlak olan şəxslərin dəfn mərasimi keçirilir.
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
Rəy yaz