Oqtay Gülalıyev. Açiq mənbələrdən foto.
Bakı/26.06.20/Turan: İstanbulda “Amerika klinikası”nda müalicə olunan hüquq müdafiəçisi Oqtay Gülalıyev iyunun 25-də bir daha əməliyyat olunub.
Onun həyat yoldaşı Füruzə Gülalıyevanın verdiyi məlumata görə, bu klinikada 2019-cu ilin dekabrında keçirilmiş əvvəlki əməliyyat zamanı hüquq müdafiəçisinin kəllə sümüyünün bir hissəsi götürülmüşdü. Onun yerinə süni material qoyulmuşdu. Dünənki əməliyyat zamanı sümük yerinə qoyulub. Əməliyyat uğurlu keçib və hüquq müdafiəçisi artıq reanimasiyadan adi palataya keçirilib.
Həyat yoldaşının sözlərinə görə, Oqtay Gülalıyev hələ də tam özünə gəlməyib, baxmayaraq ki, əllərini hərəkət etdirir və ətrafda baş verənlərə reaksiya verir. Həkimlər hazırki əməliyyatdan sonra onun vəziyyətinin yaxşılaşacağına ümid edirlər.
Xatırladaq ki, Oktay Gülalıyev artıq baş beyindən bir neçə dəfə əməliyyat olunub. İlk əməliyyat ötən ilin oktyabrında onu maşın vurduqdan bir gün sonra gecikmə ilə həyata keçirilib.
Vəziyyəti ağırlaşdıqdan sonra hüquq müdafiəçisi xüsusi təyyarə ilə İstanbula aparılıb, orada müxtəlif klinikalarda daha iki əməliyyat keçirib.
Gülalıyevin Türkiyədə müalicəsi Heydər Əliyev Fondu tərəfindən maliyyələşdirilir. Bu arada, 8 aya yaxın müddət keçməsinə baxmayaraq, YNH haqqında iş üzrə istintaq hələ də yekunlaşmayıb. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz