Bakı/30.10.19/Turan: Hüquq müdafiəçisi Oqtay Gülalıyevin neyrocərrahiyyə əməliyyatı uğurlu şəkildə başa çatıb. Bu barədə jurnalistlərə əməliyyatda iştirak edən tibb elmləri doktoru, professor Adil Qeybulla bildirib.
Həkimin sözlərinə görə, Gülalıyevin baş beyin damarları zədələnib, bu da qansızmaya səbəb olub. Yığılan qan hematoma əmələ gəlməsinə səbəb olub. Əməliyyat zamanı baş beyindən qan boşaldılıb.
“Bundan sonra ən əsası reanimasiya, daha sonra isə reabilitasiya tədbirləridir. Ola bilər ki, beyin sıxılmasına görə bir tərəfdən iz qalsın. Ən əsası odur ki, reabilitasiya olunsun, xəstə kritik vəziyyətdən çıxmalıdır”, deyə həkim bildirib. -21C-
* * *
Oqtay Gülalıyevin üzərində neyrocərrahiyyə əməliyyatı başlayıb
Bakı/30.10.19/Turan: Saat 12:30-a yaxın City Hospital klinikasında hüquq müdafiəçisi Oqtay Gülalıyevin üzərində neyrocərrahiyyə əməliyyatı başlayıb.
Bundan öncə Səhiyyə Nazirliyi bildirmişdi ki, zərərçəkənə kompüter tomoqrafiyası edilib. Həkimlər kəllə sümüyünün sınığı və beyin zədələnməsi diaqnozu qoyublar.
“Gülalıyevin müalicəsi və aparılan müayinələr Səhiyyə Nazirliyinin nəzarəti altındadır”, - press-relizdə deyilir.
Yaxın qohumlarının təkidilə O.Gülalıyev City Hospital özəl klinikasına köçürülüb. Vəziyyəti ağırdır.–06D-
* * *
2019 Oktyab 30 (Çərşənbə) 12:59:26
Oqtay Gülalıyevin vəziyyəti pisləşib (YENİLƏNİB)
Bakı/30.10.19/Turan: Bu gecə hüquq müdafiəçisi Oqtay Gülalıyevin vəziyyəti pisləşib. Bu barədə Turan-a onun həyat yoldaşı Firəngiz Gülalıyeva bildirib. Bu gün səhər o, Citi Hospital-da O.Gülalıyevi müalicə edən həkimlə danışıb.
Həkim deyib ki, hüquq müdafiəçisinin vəziyyəti pisləşib. Beyinə qansızma genişlənib. Beyninin sol tərəfi işləmir. Hazırda süni nəfəs aparatına qoşublar, çünki özü nəfəs ala bilmir. Bundan əlavə MRT ediləcək.
Citi Hospital-da deyiblər ki, pasientin vəziyyəti barədə məlumatı ancaq baş həkim verir. Və bunu səhər saat 11:00-da edəcək.
Öz növbəsində Səhiyyə Nazirliyinin mətbuat xidmətində deyiblər ki, O.Gülalıyev ötən gün axşam Kliniki Mərkəzə aparılıb.
Ona kəllə sümüyünün sınığı və beyin zədələnməsi diaqnozu qoyulub. Qohumlarının xahişilə özəl klinikaya köçürülüb. —21C--
* * *
2019 Oktyab 30 (Çərşənbə) 09:52:05
Oqtay Gülalıyev özəl City Hospital klinikasına köçürülüb (yenilənib)(YENİLƏNİB)
Bakı/29.10.19/Turan: Oqtay Gülalıyev 1 saylı Şəhər Kliniki Mərkəzindən özəl City Hospital klinikasına köçürülüb.
Hüquq müdafiəçisinin yaxınlarının məlumatına görə, onun kəllə sümüyü sınıb və beyninə qan sızıb.
Turan-ın müxbirinin məlumatına görə, Şəhər Kliniki Mərkəzindən çıxarılarkən hüquq müdafiəçisi xərəkdə hərəkətsiz vəziyyətdə uzanıb və ətrafdakılara reaksiya verməyib.
Kliniki Mərkəzin həkimləri şərh verməyiblər. -0-
* * *
2019 Oktyab 29 (Çərşənbə axşamı) 23:20:49
Hüquq müdafiəçini maşın vurub
Bakı/29.10.19/Turan: Oktyabrın 29-da axşam saatlarında hüquq müdafiəçisi Oktay Gülalıyevi Hunday Ksent markalı ağ rəngdə avtomobil vurub.
Hadisə şahidlərin sözlərinə görə, bu, Gülalıyev yolu keçərkən baş verib. Qəza baş verəndən sonra avtomobil sürücüsü özü Gülalıyevi xəstəxanaya çatdırıb.
Yaxınların AzadlıqRadiosuna verdikləri məlumata görə, hüquq müdafiəçisi 1 saylı Təcili Tibbi Yardım Mərkəzinə yerləşdirilib və müainədən keçirilib. "MRT-dən keçirilib, həkimlərin sözlərinə görə, başından xəsarət alıb. Müayinələr davam etdirilir. Hazırda həkimlərin nəzarətindədir".
Son məlumata görə, həkimlər Gülalıyevə beyinə qan sızması diaqnozu qoyub. -0-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz