Ötən 4 ayda müdafiə və təhlükəsizlik sektoru 30 nəfər itki verib

“Doktrina” Jurnalistlərin Hərbi Araşdırmalar Mərkəzi (JHAM) KİV-lər üzərində monitorinqin nəticələrinə əsasən 2014-cü ilin ilk 4 ayında müdafiə və təhlükəsizlik sektorunun itkiləri haqda açqılama verib.

Adı çəkilən dövrdə təhlükəsizlik və müdafiə sektorunda itkilər 30 nəfər, xəsarət alan vəya yaralananlar 40 nəfər  təşkil edib. 

İtkilərin 6-sı döyüş (erməni gülləsi, mina partlayışı), 21-i isə qeyri-döyüş itkiləridir. 

10 nəfər intihar (özünü asmaq, güllələmək), 4 nəfər avtoqəza, 3 nəfər xəstəlik, 3 nəfər qeyri-nizamnamə münasibətləri, 1 nəfər isə naməlum səbəbdən həyatını itirib. Dünyasını dəyişənlərin 26-sı Müdafiə, 3-ü Ədliyyə nazirliklərinin, 1 nəfər isə Dövlət Sərhəd Xidmətinin hərbi qulluqçusudur.

Yaralılara və xəsarət alanlara gəlincə, 14 nəfər qeyri-nizamnamə münasibətləri, (o cümlədən ehtiyatsızlıq) 4-ü intihara cəhd, 5-i erməni gülləsi, 8 nəfər mina partlayışı, 8-i avtoqəza nəticəsində yaralanıb  və ya xəsarət alıbl, 1 nəfər zəhərlənib.

Yaralanan və ya əxsarət alanlardan 37 nəfər Müdafiə Nazirliyinin, 2 nəfər Dövlət Sərhəd Xidmətinin, 1 nəfər Ədliyyə Nazirliyi Penitensiar xidmətinin mühafizə alayının hərbi qulluqçusudur.-05D-