Mətbuat-Monitorinq 02.05.14

Rəsmi qəzetlər dövlət başçısı İlham Əliyevin Ağdaş rayonuna səfəri və burada bəzi yeni obyektlərin açılışında iştirakı ilə bağlı xəbərləri ilk səhifələrə yerləşdiriblər.

“Azadlıq” qəzeti deputat Qüdrət Həsənquliyevin rus ordusu bazalarının Azərbaycanda yerləşdirilməsi təklifini ilk səhifəyə çəkərək bunu “iqtidardakı ruspərəstlərin revanşa hazırlaşması” kimi dəyərləndirir.

Qəzet təzyiqlərə məruz qalan hüquq müdafiəçisi Leyla Yunusdan müsahibə hazırlamağa gələn Fransa mərkəzi telekanalının müxbiri Yelena Voloşinanın Bakı aeroportundan geri qaytarılmasına diqqət çəkir.   

Beynəlxalq “Freedom House” jurnlaist təşkilatı 2013-cü il media azadlığının səviyyəsinə görə Azərbaycanı “azad olmayan” ölkələr sırasına aid edib.

Qəzet rəsmi Bakını tanınmış jurnalist Rauf Mirqədirovun həbsi ətrafında “xalq düşməni” şousu yaratmaq üçün istintaqa cəlb edilənlərin sayını süni şəkildə artırmaqda ittiham edir.

Mühakimə edilən “NİDA”çıların son söz demələrinə diqqət çəkən qəzet onların rəsmi Bakıya ünvanladıqları “həbslə ömrümüzdən aldığınız illər heçə getmir, Azərbaycanın azadlığı üçün sərmayə olaraq yatırılır” bəyanatına önəm verir.

“Zerkalo”  həbs edilən jurnalist Rauf Mirəqdirovun günahkar olmaması ilə bağlı yazıları iılk səhifəyə yerləşdirib.

“Ekspress”  cəbhə bölgəsinə yaxın ərazilərdə Azərbaycan ordusunun manevrləri, xarici işlər nazirinin müavini Araz Əzimovun Minsk Qrupunun ABŞ-dan olan həmsədri Ceyms Uorlikin həmsədrilkdən uzaqlaşdırıla bilməsi bəyanatını ilk səhifəyə çıxarıb.

“Exo”  rəsmi Bakı təmsilçilərinin Minsk Qrupunun ABŞ-dan olan həmsədri Uorlikin bu vəzifədən uzaqlaşdırılması üçün hər cür əsas olması bəyanatını “Azərbaycanın Ceyms Uorlikin obyektivliyinə şübhə etməsi” sayaraq manjetı çıxarıb.

“Bizim yol” Azərbaycanın Minsk Qrupunun həmsədri Uorlikdən imtina etmək istəməsi haqda xəbəri önə çəkib.

Qəzet “NİDA”çıların məhkəmədəki son sözlərini önə çəkərək diqqəti onların “bizə bəraəti xalq və tarix verəcək” bəyanatı üzərinə cəmləyir.

Qəzet ekspertlərə istinadən ötən 4 ay ərzində müdafiə və təhlükəsizlik sektorunun 30 hərbçi itirdiyini yazır.

“Yeni Müsavat” tanınmış  jurnalist Rauf Mirqədirovun həbsilə bağlı dindirilənlərin sayının artması məsələsini ön səhifəyə çəkib və qəzet kütləvi həbslər olacağı barədə xəbərdarlıq edir.

Hazirda həbsdə olan Hərbi Dəniz Qüvvələrinin (HDQ) keçmiş komandanı Şahin Surtanovun səyi nəticəsində uzun müddətə həbs cəzası alan hüquq müdafiəçisi Bəxtiyar Məmmədov HDQ-də mənimsəmələrin necə baş verdiyini açqılayıb.

Qəzet qeyd edir ki, Rusiyanın Azərbaycan səfirliyi Rusiya vətəndaşlığını qəbul etmək istəyən Azərbaycan vətəndaşlarının həddən çox olması faktını təsdiqləyib.

Rəsmi Bakının fəaliyyətilə bağlı qəzetə şərh verən siyasətçilər dünyada yaranan yeni situasiya ilə bağlı “hakimiyyətin fürsətdən istifadə edərək rejimi daha da sərtləşdirmək yolu tutması” mövqeyini səsləndiriblər.