![PA rəsmisi sosial şəbəkələrə nəzarəti gücləndirməyə çağırıb](https://turan.az/resized/./turan-750-500-resize.webp)
PA rəsmisi sosial şəbəkələrə nəzarəti gücləndirməyə çağırıb
Bakı/16.04.19/Turan: Son vaxtlar Azərbaycanda sosial şəbəkələrə nəzarətin gücləndirilməsi və hətta onların Azərbaycanda qapadılması haqqında rəsmi şəxslər tərəfindən səsləndirdiyi təkliflərin sayı çoxalmaqdadır.
Aprelin 16-sı "Dini-ideoloji təhlükəsizlik və media" konfransında iştirak edən Prezident Adminstrasiyasının Millətlərarası Münasibətlər, Multikulturalizm və Dini Məsələlər şöbəsinin baş məsləhətçisi Əliheydər Zülfüqarov da buna oxşar təkliflə çıxış edib.
Onun sözlərinə görə, sosial şəbəkələr insanların beynini yönləndirmək üçün çox güclü vasitədir: "Ona görə də radikal, xurafata meylli qrupların sosial şəbəkələrdə insanların fikirlərini bulandırmaq cəhdlərinin qarşısı alınmalıdır. Biz bu kimi məqamların qarşısını almaq üçün çalışmalıyıq. Azərbaycanın bütün bölgələrində Dini Komitə (Dini Qurumlarla İş üzrə Dövlət Komitəsi - red.) bu kimi neqativ halların qarşısının alınması istiqamətində çoxsaylı tədbir görüb və görməyə davam edir".
Media üzrə ekspert Ələsgər Məmmədli isə hesab edir ki, Azərbaycanda rəsmi şəxslər sosial şəbəkələrdə dini radikalizmdən çox siyasi plüralizmə verdiyi töhfəni təhlükə görürlər: "Azərbaycanda sosial medianın plüralizmə böyük qatqısı olur, ictimai-siyasi proseslərin və ictimaiyyətdə ciddi əks-səda doğuran hadisələrin yeganə geniş müzakirə olunduğu platformadır. Bu baxımından, hökümətin bəzi problem həll etmək istəyi olmayan nümayəndələri bu məsələni "təhlükə" kimi görə bilir".
Onun sözlərinə görə, sosial şəbəkələrdə dinə meylli yanaşmalar və nifrətə yol verən ifadələrə rast gəlinir: "Amma bununla bağlı hüququn çox aydın normalar da var və nifrət nitqi hansısa hadisənin gerçəkləşməsinə gətirib çıxarırsa, mövcüd qanunlara uyğun tədbir görülür. Bundan narahat olmağa ehtiyac yoxdur", - deyə Ə.Məmmədli bildirib. -0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz