![Moody's "Bank Respublika"nın reytinqini B3 "stabil" dərəcəsinə yüksəltdi](https://turan.az/resized/media/2019/main/041600018230-750-500-resize.webp)
Moody's "Bank Respublika"nın reytinqini B3 "stabil" dərəcəsinə yüksəltdi
"Moody's" beynəlxalq reytinq agentliyi "Bank Respublika"nın uzunmüddətli kredit reytinqini "stabil" proqnozla B3 dərəcəsinə yüksəldib.
Agentliyin analitikləri reytinqin yüksəlməsini bankın mənfəətinin və aktivlərinin keyfiyyətinin yüksəlməsi ilə əlaqələndirir.
"Moody's" hesab edir ki, Bank Respublika portfel üzrə ehtiyatların yaradılması prosesini 2018-ci ildə yekunlaşdırıb və 2019-20-ci illərdə ehtiyatların yaradılması üzrə xərclərin azalacağını gözləyir. Bu isə, əməliyyat mənfəətinin yüksəlməsi ilə yanaşı, növbəti 12-18 ay ərzində xalis mənfəətin artmasına gətirib çıxaracaq. Aktivlərin keyfiyyətinin yaxşılaşması köhnə portfelin amortizasiyası ilə yanaşı, daha sərt anderraytinq standartları ilə verilmiş yeni kreditlərin həcmi ilə də bağlıdır. Portfelin keyfiyyətinin yaxşılaşdırılması tendensiyası, həmçinin 2019-20-ci illərdə kredit portfelinin böyüməsi ilə davam edəcək.
"Moody"s agentliyi tərəfindən bankın reytinqinin yüksəldilməsi, bankın kollektivinin böyük əməyinin layiqincə qiymətləndirilməsidir. Biz çox şadıq ki, bankın maliyyə sabitliyinin və inkişafının təmin olunmasına yönəlmiş tədbirlərimiz özlərini tam şəkildə doğrultdu və beynəlxalq səviyyədə təsdiqini tapdı. Əminik ki, yeni reytinq Bank Respublikanın daha etibarlı və dinamik inkişaf edən banklardan biri kimi mövqeyini daha da gücləndirəcəkdir", deyə Bank Respublikanın Müşahidə şurasının sədri Şakir Rəhimov qeyd edib.
Daha ətraflı məlumatı bankın rəsmi internet saytında, facebook səhifəsində və ya 144 nömrəsinə zəng edərək əldə edə bilərsiniz.®
-
- Cəmiyyət
- 16 Aprel 2019 16:55
Maliyyə
-
Auditorlar Palatası 2023-cü ilin yekunları ilə bağlı maliyyə göstəricilərini açıqlayıb. Palata ötən il 0,16 milyon manat mənfəət əldə edib.
-
2024-cü ilin yanvar-iyul aylarında Azərbaycanda kreditlərin sığortası üzrə 2 657,7 min manat sığorta haqqı toplanılıb.
-
“Qala Sığorta” şirkəti İqtisadiyyat Nazirliyinin tabeliyindəki İxracın və İnvestisiyaların Təşviqi Agentliyinin (AZPROMO) nəqliyyat vasitələrinin tam könüllü (KASKO) sığortası ilə bağlı elan edilmiş açıq tenderin qalibi olub.
-
Azərbaycan Mərkəzi Bankı (AMB) Latviyanın "Sun Finance Cetral Asia AS" şirkətinin törəmə strukturu – “SF Azerbaijan” bank olmayan kredit təşkilatının (BOKT) vəzifəli şəxsini inzibati məsuliyyətə cəlb edib.
Rəy yaz