Pambıqçılar arasında növbəti kütləvi zəhərlənmə (YENİLƏNİB)

Bakı/19.06.18/Turan: Hüquq müdfiyəçisi Oqtay Gülalıyevin aldığı məlumata görə bu gün 150- dən artıq şəxs pambıq tarlasında zəhərlənərək İmişli rayon Mərkəzi xəstəxanasına çatdırılıb. Xəstəxanada sıxlıq olduğundan əksər xəstələrə həyətdə ilkin tibbi yardım göstərilir. Həkim çatışmazlığı var. Rayonun bütün həkim heyəti xəsətələrə yardım etmək üçün səfərbər edilib. 10-a yaxın şəxsin vəziyyəti çox ağır olduğundan xəstəxananın reanimasiya şöbəsinə yerləşdirilib və s.-0--

* * *

2018 İyun 20 (Çərşənbə) 07:17:51

Pambıqçılar arasında növbəti kütləvi zəhərlənmə

Bakı/19.06.18/Turan: Bu gün İmişli rayonunda növbəti dəfə pambıq sahəsində işçilərin kütləvi zəhərlənməsi faktı qeydə alınıb. Rayon prokurorluğundan bu məlumatı Turan-a təsdiq ediblər.

Mənbənin məlumatına görə, pambıqçılar kütləvi şəkildə zəhərlənmə diaqnozu ilə rayon xəstəxanasına çatdırılır. Onların sayı dəqiqləşdirilir.

Amma Səhiyyə Nazirliyinin mətbuat xidmətindən bildiriblər ki, İmişlidə xəstəxanaya müraciətlər yüngül baş ağrıları və ürəkbulanma şikayətləri ilə bağlıdır. Xəstələrdən sidik və qan analizi götürülür, bu analizlər laboratoriya araşdırmaları üçün Bakıya göndəriləcək. Dəqiq səbəbləri analizlərin yekunlarına görə demək olar.

Qeyd edək ki, iki gün əvvəl - iyunun 17-də Tərtər rayonunda pambıq sahəsində işləyən 14 nəfər zəhərlənmə şikayətləri ilə xəstəxanaya müraciət edib. Bundan əvvəl, Saatlıda pambıq sahəsində 21 nəfər zəhərlənib.

Hakimiyyət hələ də bu zəhərlənmələrin səbəbini izah etməyib. -03D06-